ଗଛରେ ପିଟି ହେଲା କର : ବର-କନ୍ୟା ଗୁରୁତର, ୪ ଆହତ
ସୁବର୍ଣ୍ଣପୁର : ସୋନପୁର-ବଲାଙ୍ଗିର ୫୭ ନମ୍ବର ଜାତୀୟ ରାଜପଥରେ ଦୁର୍ଘଟଣା । କୃଷି ବିଜ୍ଞାନ କେନ୍ଦ୍ର ଠାରେ ବର-କନ୍ୟାଙ୍କୁ ନେଇ ଫେରୁଥିବା ଗାଡ଼ି ଦୁର୍ଘଟଣାଗ୍ରସ୍ତ । ଦୁର୍ଘଟଣାରେ ବର-କନ୍ୟା ଗୁରୁତର ହୋଇଥିବା ବେଳେ ଅନ୍ୟ ୪ ଜଣ ଆହତ ହୋଇଛନ୍ତି।
ସୂଚନା ଯେ, ସୁବର୍ଣ୍ଣପୁର ଜିଲା ସୋନପୁର-ବଲାଙ୍ଗିର ୫୭ ନମ୍ବର ଜାତୀୟ ରାଜପଥର କୃଷି ବିଜ୍ଞାନ କେନ୍ଦ୍ର ଠାରେ ଦୁର୍ଘଟଣାଗ୍ରସ୍ତ ହେଲା ବରକନ୍ୟାଙ୍କୁ ନେଇ ଫେରୁଥିବା ଗାଡ଼ି । ଗାଡ଼ିଟି ବଲାଙ୍ଗିର ପଟୁ ଆସୁଥିବା ବେଳେ କୃଷି ବିଜ୍ଞାନକେନ୍ଦ୍ରଠାରେ ଏକ ଗଛରେ ପିଟି ହୋଇଥିଲା । ଫଳରେ ଗାଡ଼ିରେ ଥିବା ବର-କନ୍ୟା ଗୁରୁତର ଥିବାରୁ ସେମାନଙ୍କୁ ସୋନପୁର ମୁଖ୍ୟ ଚିକିତ୍ସାଳୟରେ ପ୍ରାରମ୍ଭିକ ଚିକିତ୍ସା ପରେ ବୁର୍ଲା ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ସେହି ଗାଡ଼ିରେ ଥିବା ଆଉ ୪ ଜଣ ଆହତଙ୍କୁ ସୋନପୁର ଚିକିତ୍ସାଳୟରେ ଚିକିତ୍ସା ଚାଲିଛି । ଘଟଣାସ୍ଥଳରେ ସୋନପୁର ପୋଲିସ ପହଞ୍ଚି ଅଧିକ ଅନୁସନ୍ଧାନ ଜାରି ରଖିଛି ।
