ଆମେରିକାର ଷ୍ଟାର ବାସ୍କେଟବଲ ଖେଳାଳି ବ୍ରିଟନୀ ଗ୍ରିନର ଗିରଫ
ନୂଆଦିଲ୍ଲୀ : ଆମେରିକାର ଷ୍ଟାର ବାସ୍କେଟବଲ ଖେଳାଳି ବ୍ରିଟନୀ ଗ୍ରିନରଙ୍କୁ ରୁଷିଆ ଗିରଫ କରିଛି। ଗଣମାଧ୍ୟମର ରିପୋର୍ଟ ଅନୁସାରେ ଗ୍ରିନରଙ୍କୁ ନିଶାଦ୍ରବ୍ୟ ରଖିବା ଅଭିଯୋଗରେ ଗିରଫ କରାଯାଇଛି। ୟୁକ୍ରେନ୍ରେ ରୁଷିଆର ସେନା କାର୍ଯ୍ୟାନୁଷ୍ଠାନକୁ ନେଇ ମସ୍କୋ ଓ ପଶ୍ଚିମ ଦେଶଗୁଡ଼ିକ ମଧ୍ୟରେ ପୂର୍ବରୁ ହିଁ ଉତ୍ତେଜନା ଦେଖାଯାଇଛି। ଏଭଳି ସ୍ଥିତିରେ ଗ୍ରିନରଙ୍କ ଗିରଫକୁ ନିଆଁରେ ଘିଅ ଢାଳିଲା ସହିତ ସଦୃଶ୍ୟ ବୋଲି ବିଶେଷଜ୍ଞମାନେ ପୂର୍ବାନୁମାନ କରୁଛନ୍ତି।
ରୁଷିଆର ସଂଘୀୟ ଅପରାଧ ସେବା ଶନିବାର ଜାରି କରିଥିବା ଏକ ବୟାନ ଅନୁସାରେ ନ୍ୟୁୟର୍କରୁ ଆସିଥିବା ଜଣେ ଆମେରିକୀୟ ନାଗରିକଙ୍କ ପାଖରୁ ସ୍ୱତନ୍ତ୍ର ଗନ୍ଧ ହେଉଥିବା ପଦାର୍ଥ ଜବତ କରାଯାଇଛି। ବିଶେଷଜ୍ଞମାନେ ଜାଣିବାକୁ ପାଇଛନ୍ତି ଯେ, ଏହା ହେଉଛି ନିଶାକ୍ତ ଦ୍ରବ୍ୟ। ମାତ୍ର ଜେଲ ପଠାଯାଇଥିବା ମହିଳାଙ୍କ ନାଁ କୁହାଯାଇ ନାହିଁ। କିନ୍ତୁ ଏତିକି କୁହାଯାଇପାରିବ ଯେ, ଗିରଫ ମହିଳା ଜଣକ ହେଲେ ୟୁଏସ ନ୍ୟାଶନାଲ ବାସ୍କେଟବଲ ଆସୋସିଏନର ସଦସ୍ୟ ଥିଲେ। ଏଥି ସହିତ ସେ ଆମେରିକା ବାସ୍କେଟବଲ ଟିମର ୨ଥର ଅଲିମ୍ପିକ ଚମ୍ପିଅନ ଟିମର ସଦସ୍ୟ ଥିଲେ।
