ପ୍ରେମିକାର ଅଶ୍ଳିଳ ଫଟୋ ଓ ଭିଡିଓ ଭାଇରାଲ୍ କରି ପ୍ରେମିକ ଗିରଫ
ହ୍ୟାଣ୍ଡପା : ଅନୁଗୁଳ ଜିଲା ଅନ୍ତର୍ଗତ ହ୍ୟାଣ୍ଡପା ଥାନା ଅଞ୍ଚଳର ଜଣେ ପ୍ରେମିକାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ କରି ଗିରଫ ହେଲେ ପ୍ରେମିକ। ପ୍ରେମିକା ଶାରୀରିକ ସମ୍ପର୍କ ରଖିବାକୁ ରାଜି ନହେବାରୁ ଅଭିଯୁକ୍ତ ଜଣଙ୍କ ଏପରି କାଣ୍ଡ ଭିଇଥିବା ଜଣାପଡ଼ିଛି। ଅଭିଯୁକ୍ତ ଜଣକ ହେଲେ ପିକୁନ ଦୁବେ ।
ସୂଚନା ଯେ, ଜଣେ ଯୁବତୀଙ୍କ ସହ ଫୋନରେ ଅଭିଯୁକ୍ତର ପ୍ରେମ ସମ୍ପର୍କ ହୋଇଥିଲା। ସେ ଇନ୍ଫୋଭ୍ୟାଲି ଥାନା ଯାଆଁଳା ଅଞ୍ଚଳର ବାସିନ୍ଦା। ସମ୍ପୃକ୍ତା ଯୁବତୀ ଜଣଙ୍କ ୩ ବର୍ଷ ଧରି ଅଭିଯୁକ୍ତ ସହିତ ସମ୍ପର୍କରେ ଥିଲେ। ପରେ ଦୁହିଁଙ୍କ ମଧ୍ୟରେ ଘନିଷ୍ଠତା ବଢ଼ିଥିଲା। ଏହାର ସୁଯୋଗ ନେଇ ଅଭିଯୁକ୍ତ ଜଣଙ୍କ ସମ୍ପୃକ୍ତ ଯୁବକୀଙ୍କୁ ଅଶ୍ଳୀଳ ଭିଡ଼ିଓ କଲିଂ କରିବାକୁ କହିଥିଲା। ପରେ ମହିଳାଙ୍କ ଭିଡ଼ିଓ କଲିଂକୁ ସ୍କ୍ରିନ ରେକଡିଂ କରି ରଖିଥିଲା ଅଭିଯୁକ୍ତ। ଏହି ରେକଡ଼ିଂକୁ ପରେ ଯୁବତୀଙ୍କୁ ଶାରୀରିକ ସମ୍ପକର୍ ପାଇଁ ଅଭିଯୁକ୍ତ ବାଧ୍ୟ କରିଥିଲା। ଏଥିପାଇଁ ଯୁବତୀ ଜଣଙ୍କ ସ୍ପଷ୍ଟ ମନା କରିଥିଲେ। ଏହା ପରେବି ଅଭିଯୁକ୍ତ ବାରମ୍ୱାର ବାଧ୍ୟ କରିବାରୁ ପୀଡିତା ଯୁହକଙ୍କ ନମ୍ବରକୁ ବ୍ଲକ କରିଥିଲେl ଫଳରେ ଅଭିଯୁକ୍ତ ପ୍ରତିଶୋଧ ନେବା ପାଇଁ ନିଜେ ଏକ ନକଲି ଇନଷ୍ଟ୍ରଗ୍ରାମ ଆକାଉଣ୍ଟ ଖୋଲି ଅଶ୍ଳିଳ ଭିଡ଼ିଓ ଓ ଫୋଟୋକୁ ପୋଷ୍ଟ କରିଥିଲେ। ଏନେଇ ପୀଡିତା ମହିଳା ଇନ୍ଫୋଭ୍ୟାଲି ଥାନାରେ ଅଭିଯୋଗ କରିଥିଲେ। ଏହାପରେ ପୋଲିସ ଅଭିଯୁକ୍ତ ପିକୁନ ଦୁବେକୁ କରିଛି। ତାଠାରୁ ସ୍ମାର୍ଟ ଫୋନ୍, ସିମ୍ କାର୍ଡ ସହ ଡିଭିଡି ପ୍ଲେଟ କଟିଙ୍ଗ ଫଟୋ ଜବତ କରିଛି। ଏହା ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି।
