ରାଜ୍ୟର ଶ୍ରେଷ୍ଠ ବାଟାଲିଅନ ଭାବରେ ପୁରସ୍କୃତ ହେଲା ବୌଦ୍ଧ ପଞ୍ଚମ ଆଇଆରବି ବାଟାଲିୟନ
ବୌଦ୍ଧ : ରାଜ୍ୟର ସର୍ବଶ୍ରେଷ୍ଠ ବାଟାଲିଅନ ଭାବେ ପୁରସ୍କୃତ ହେଲେ ବୌଦ୍ଧର ପଞ୍ଚମ ଆଇଆରବି ବାଟାଲିଅନ । ୮୮ ତମ ରାଜ୍ୟ ପୁଲିସ ପ୍ରତିଷ୍ଠା ଦିବସ ଅବସରରେ ରାଜ୍ୟସ୍ତରୀୟ ସମାରୋହରେ ବୌଦ୍ଧ ପଞ୍ଚମ ଆଇଆରବି ବାଟାଲିୟନକୁ ନଗଦ ରାଶି ଓ ଟ୍ରଫି ପ୍ରଦାନ ସହ ସମ୍ମାନୀତ କରାଯାଇଛି। ରାଜ୍ୟସ୍ତରୀୟ ଉତ୍ସବରେ ପୋଲିସ ମହାନିର୍ଦ୍ଦେଶକ ସୁନିଲ ବଂଶଲଙ୍କ ଠାରୁ ବୌଦ୍ଧର ପଞ୍ଚମ ଆଇଆରବି ବାଟାଲିଅନ କମାଣ୍ଡେଣ୍ଟ ଦୁର୍ବାସା ନାଏକ ପୁରସ୍କାର ଗ୍ରହଣ କରିଥିଲେ। ପଞ୍ଚମ ଆଇଆରବି ବାଟାଲିଅନର ପରିଚାଳନା, ଯବାନମାନଙ୍କ ସଫଳତା ପୂର୍ବକ ଦାୟିତ୍ୱ ନିର୍ବାହ ଆଦିର ବିଚାର କରାଯାଇ ୨୦୨୨ ବର୍ଷ ପାଇଁ ସର୍ବଶ୍ରେଷ୍ଠ ବାଟାଲିଅନ ଭାବେ ସମ୍ମାନିତ କରାଯାଇଛି ।
ରାଜ୍ୟରେ ରହିଥିବା ୨୨ଟି ବାଟାଲିଅନ ମଧ୍ୟରୁ ବୌଦ୍ଧର ପଞ୍ଚମ ଆଇଆରବି ବାଟାଲିଅନ ପ୍ରଥମ ସ୍ଥାନ ଗ୍ରହଣ କରିଛି। ପୁରସ୍କାର ଗ୍ରହଣ କରିବା ପରେ କମାଣ୍ଡେଣ୍ଟ ଦୁର୍ବାସା ନାଏକ ଟ୍ରଫି ଧରି ଆଇଆରବି ବାଟାଲିଅନ ଠାରେ ପହଞ୍ଚିବା ପରେ ସେଠାରେ ଖୁସିର ଲହରି ଖେଳିଯାଇଥିଲା। ଏହି ଅବସରରେ ଏକ ଭବ୍ୟ ଶୋଭାଯାତ୍ରା ଆୟୋଜିତ ହୋଇଥିଲା। ଆୟୋଜିତ ଶୋଭାଯାତ୍ରାରେ ଆସିଷ୍ଟାଣ୍ଡ କମାଣ୍ଡେଣ୍ଟ ଲଳିତ ମେହେର, ଆଇଆରବି ବାଟାଲିଅନର ଅଧିକାରୀ ଓ ଯବାନମାନେ ସପରିବାର ସାମିଲ ହୋଇଥିଲେ।
