ମସ୍କୋରୁ ଦିଲ୍ଲୀ ଆସୁଥିବା ଫ୍ଲାଇଟରେ ବୋମା ଆତଙ୍କ, ବିମାନ ବନ୍ଦରରେ ହାଇ ଆଲର୍ଟ
ନୂଆଦିଲ୍ଲୀ : ମସ୍କୋରୁ ଦିଲ୍ଲୀ ଆସୁଥିବା ଏକ ଫ୍ଲାଇଟରେ ବୋମା ଥିବା ସୂଚନା ପରେ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରେ ଆତଙ୍କ ଖେଳିଯାଇଛି । ବିମାନର ଅବତରଣରୁ ଯାତ୍ରୀମାନଙ୍କ ସୁରକ୍ଷା ପର୍ଯ୍ୟନ୍ତ ସବୁ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି । ବିମାନରେ ବୋମା ନେଇ ଗୁରୁବାର ରାତି ୧୧:୧୫ରେ ସୂଚନା ପାଇବା ପରେ ଏ ସମ୍ପର୍କରେ ସବୁ ସୁରକ୍ଷା ଏଜେନ୍ସିମାନଙ୍କୁ ଆଲର୍ଟ କରି ଦିଆଯାଇଥିଲା । ବିମାନ ବନ୍ଦରର ସୁରକ୍ଷା ବଢ଼ାଇ ଦିଆଯାଇଥିଲା ।
ଗତକାଲି ରାତି ୧୧:୧୫ ରେ ଏକ କଲ୍ ଆସିଥିଲା ଯେ ରାତି ୩:୨୦ ରେ ମସ୍କୋରୁ ଟର୍ମିନାଲ-୩ କୁ ଆସୁଥିବା ବିମାନରେ ବୋମା ଅଛି | ରାତି ପ୍ରାୟ ୨:୩୦ ସମୟରେ ଏନେଇ ସୁରକ୍ଷା ଦଳକୁ ଆଲର୍ଟ କରାଯାଇଥିଲା । ବିମାନଟି ରନୱେ ୨୯ରେ ଅବତରଣ କରିବା ପରେ ବୋମା ନିଷ୍କ୍ରିୟକାରୀ ଏବଂ ଅନ୍ୟ ଉଦ୍ଧାରକାରୀ ଦଳ ପଠାଯାଇ ଯାଞ୍ଚ୍ ଆରମ୍ଭ ହୋଇଥିଲା । ବିମାନରେ ପ୍ରାୟ ୪୦୦ ଯାତ୍ରୀ ଥିଲେ । ସମଗ୍ର ଘଟଣାର ତଦନ୍ତ ଜାରି ରହିଛି ।
