କୋଲାବ ଜଳ ଭଣ୍ଡାରରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର
କୋରାପୁଟ : କୋଲାବ ଜଳ ଭଣ୍ଡାରରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଗତ ମଙ୍ଗଳବାର ଠାରୁ ନିଖୋଜ ଥିଲେ କୋରାପୁଟ ଗାନ୍ଧୀ ନଗରର ଯୁବକ ପି. ସନ୍ତୋଷ । ନିଜ ସ୍କୁଟିକୁ ବ୍ରିଜ୍ ନିକଟରେ ରଖି ନିଖୋଜ ଥିଲେ ।
ସୂଚନା ଯେ, ଗତ ମଙ୍ଗଳବାର ଠାରୁ ନିଜ ସ୍କୁଟିକୁ ବ୍ରିଜ୍ ନିକଟରେ ରଖି ନିଖୋଜ ଥିଲେ ପି. ସନ୍ତୋଷ । ସେ ସେମିଳିଗୁଡା ଡାକ ବିଭାଗ କର୍ମଚାରୀ ଭାବେ କାର୍ଯ୍ୟରତ ଥିଲେ । କୋଲାବ ଜଳ ଭଣ୍ଡାରରେ ନିଖୋଜ ଯୁବକଙ୍କ ମୃତଦେହ ଉଦ୍ଧାର ହୋଇଛି । ପରିବାର ପକ୍ଷରୁ ସୁନାବେଡ଼ା ଥାନାରେ ନିଖୋଜ ନେଇ ମାମଲା ରୁଜୁ ହୋଇଥିଲା । ପରେ ପୋଲିସ ଖୋଜାଖୋଜି ଆରମ୍ଭ କରିଥିଲା । କୋରାପୁଟ ଓଡ୍ରାଫ ସହ ସେମିଳିଗୁଡା ଅଗ୍ନିଶମ ବିଭାଗ ପକ୍ଷରୁ ବୁଧବାର ଦିନ ତମାମ କୋଲାବ ଜଳଭଣ୍ଡାରରେ ଖୋଜା ଯାଇଥିଲା । ଗୁରୁବାର ମୃତଦେହକୁ କୋରାପୁଟ ଓଏସଏପି ତୃତୀୟ ବାଟାଲିୟନ ଓଡ୍ରାଫ ଟିମ୍ ଉଦ୍ଧାର କରିଛି । ସୁନାବେଡ଼ା ପୋଲିସ ପହଞ୍ଚି ମୃତଦେହ ଜବତ କରିବା ସହ ଶବ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିବା ନେଇ ସୂଚନା ଦେଇଛି । ତଦନ୍ତ ପରେ ଘଟଣାର ସତ୍ୟତା ଜଣାପଡିବ ବୋଲି ସୁନାବେଡ଼ା ପୋଲିସ କହିଛନ୍ତି ।
