ଜଙ୍ଗଲରୁ ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର
ମୋହନା : ମୋହନା କଲେଜ ଛକ ନିକଟରେ ଥିବା ପାହାଡ଼ରେ ନିର୍ମାଣଧୀନ କୁକୁଡ଼ା ଫାର୍ମ ନିକଟରୁ ମିଳିଲା ଏକ ମୃତଦେହ । ସ୍ଥାନୀୟ ଲୋକ ଜଙ୍ଗଲକୁ ଶୌଚ କରିବାକୁ ଯାଇଥିବା ବେଳେ ମୃତଦେହ ପଡ଼ିଥିବାର ଦେଖିଥିଲେ । ଏହାପରେ ମୃତଦେହଟି ସୁଶାନ୍ତର ବୋଲି ଚିହ୍ନଟ କରିଥିଲେ ତାଙ୍କ ପରିବାର ଲୋକେ । ମୃତଦେହଟି ନଷ୍ଟ ହୋଇଯାଇଥିବାରୁ ତାର ପୋଷାକ ଦେଖି ଚିହ୍ନଟ କରିଥିଲେ । ଖବରପାଇ ଘଟଣା ସ୍ଥଳରେ ମୋହନା ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି ।
ମୃତ ବ୍ୟକ୍ତି ଜଣକ ଗଞ୍ଜାମ ଜିଲା ସାଆନ୍ତରାପୁର ଗ୍ରାମର ହୋଇଥିବା ବେଳେ ଗତ ବର୍ଷେ ହେଲା ଗଜପତି ଜିଲା ମୋହନାରେ ରହି କୁଲି କାମ କରି ପରିବାର ସହ ରହୁଥିଲେ । ତାଙ୍କର ଗୋଟିଏ ୧୫ ଦିନର ପୁଅ ଥିବା ଜଣାପଡିଛି । ସୂଚନା ଯେ, ସୁଶାନ୍ତ ଗତ ୧୯ ଦିନ ତଳେ ଘରୁ କେଉଁଆଡେ ଚାଲିଯାଇଥିଲେ ଆଉ ଘରକୁ ଫେରି ନଥିଲେ ।
