ବାଲେଶ୍ୱର : ଉଦୟପୁର ବେଳାଭୂମିରୁ ବଙ୍ଗୀୟ ପର୍ଯ୍ୟଟକଙ୍କ ମୃତଦେହ ଉଦ୍ଧାର
ଭୋଗରାଇ : ବାଲେଶ୍ୱର ଜିଲା ଭୋଗରାଇ ବ୍ଲକ ଅଧୀନ ଉଦୟପୁର ବେଳାଭୂମିରୁ ରବିବାର ଜଣେ ବଙ୍ଗୀୟ ପର୍ଯ୍ୟଟକଙ୍କ ମୃତଦେହ ଉଦ୍ଧାର ହୋଇଛି । ମୃତ ପର୍ଯ୍ୟଟକଙ୍କ ଘର ପଶ୍ଚିମବଙ୍ଗ ନଦିଆ ଜିଲା କତୁୱାଲି ଥାନାର ରିତମ ସାଧୁ ଖାନ୍ । ତାଳସାରୀ ମେରାଇନ୍ ଥାନା ଶବକୁ ଉଦ୍ଧାର କରି ଦୀଘା ମେରାଇନ୍ ତାନାକୁ ହସ୍ତାନ୍ତର କଲା ପରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି କାନ୍ଥି ଦାରୁହା ହାସପାତାଳକୁ ଶବ ବ୍ୟବଚ୍ଚେଦ ପାଇଁ ପଠାଇଥିବାର ସୂଚନା ମିଳିଛି ।
ସୂଚନା ଯେ, ଶନିବାର ପଶ୍ଚିମବଙ୍ଗର ନଦିଆ ଜିଲାର ୭ଜଣ ପର୍ଯ୍ୟଟକ ଦୀଘା ବୁଲିବାକୁ ଆସିଥିଲେ । ଅପରାହ୍ନରେ ଏହି ଯୁବକମାନେ ଦୀଘା ସମୁଦ୍ରରେ ଗାଧୋଉ ଥିବାବେଳେ ସମୁଦ୍ର ଜୁଆରରେ ଭାସିଯାଇ ଜଣେ ଯୁବକ ନିଖୋଜ ଥିଲେ । ମୃତ ପର୍ଯ୍ୟଟକଙ୍କୁ ତାଙ୍କ ସାଥୀମାନେ ଚିହ୍ନଟ କରିଥିଲେ ।
