ଶହୀଦ ପୋଲିସ କର୍ମଚାରୀଙ୍କ ସ୍ମୃତି ଉଦ୍ଦେଶ୍ୟରେ ରକ୍ତଦାନ ଶିବିର; ୧୪୬ ୟୁନିଟ୍ ସଂଗୃହୀତ
ବାଲେଶ୍ୱର : ଓଡ଼ିଶା ପୋଲିସ୍ ହାବିଲଦାର ଓ କନଷ୍ଟେବଳ ଶାଖା ସଂଘ ବାଲେଶ୍ୱର ଆନୁକୂଲ୍ୟରେ ଶହୀଦ ତଥା ଅସମୟରେ ଇହଲୀଳା ସମ୍ବରଣ କରିଥିବା ପୋଲିସ କର୍ମଚାରୀମାନଙ୍କ ସ୍ମୃତି ଉଦ୍ଦେଶ୍ୟରେ ବାଲେଶ୍ୱର ପୋଲିସ୍ ହସ୍ପିଟାଲରେ ଏକ ରକ୍ତ ଦାନ ଶିବିର ଆୟୋଜିତ ହୋଇଥିଲା । ଏଥିରେ ୧୪୬ ୟୁନିଟ୍ ରକ୍ତ ସଂଗୃହୀତ କରାଯାଇ ଜିଲା ରକ୍ତ ଭଣ୍ଡାରକୁ ପଠା ଯାଇଛି । ସମସ୍ତ ରକ୍ତଦାତାମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଛି ।
ଜିଲା ଆରକ୍ଷୀ ଅଧୀକ୍ଷକ ସୁଧାଂଶୁ ଶେଖର ମିଶ୍ର ଶିବିରକୁ ଉଦ୍ଘାଟନ କରିଥିଲେ । ଅତିରିକ୍ତ ଆରକ୍ଷୀ ଅଧିକ୍ଷକ, ଡିଏସପି ଡିଆଇବି ବାଲେଶ୍ୱର, ଡିଏସପି ସିଟି ବାଲେଶ୍ୱର, ଆର୍ଆଇ ତଥା ଅନ୍ୟାନ୍ୟ ବରିଷ୍ଠ ପୋଲିସ ଅଧିକାରୀଙ୍କ ତତ୍ତ୍ୱାବଧାନରେ ଏହି ରକ୍ତ ଦାନ କାର୍ଯ୍ୟକ୍ରମ ସୂଚାରୁ ରୂପେ ସମ୍ପାଦିତ ହୋଇଛି । ଏହି ଅବସରରେ ବରିଷ୍ଠ ଅବସରପ୍ରାପ୍ତ ପୋଲିସ କର୍ମଚାରୀଙ୍କୁ ସମ୍ବର୍ଦ୍ଧିତ କରାଯାଇଥିଲା ।
