ବିଜୁ ଯୁବ ଜନତା ଦଳ ବାଲେଶ୍ବର ସଦର ନିର୍ବାଚନ ମଣ୍ଡଳୀ ତରଫରୁ ରକ୍ତଦାନ ଶିବିର, ୧୦୨ ୟୁନିଟ ସଂଗୃହୀତ
ବାଲେଶ୍ବର : ବିଜୁ ଯୁବ ଜନତା ଦଳ ବାଲେଶ୍ବର ସଦର ନିର୍ବାଚନ ମଣ୍ଡଳୀ ତରଫରୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୭୭ ତମ ଜନ୍ମଦିନ ଉପଲକ୍ଷେ ବାଲେଶ୍ବର ଷ୍ଟେସନ କ୍ଲବରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଶିବିରରୁ ମୋଟ ୧୦୨ ୟୁନିଟ ରକ୍ତ ସଂଗୃହୀତ ହୋଇଥିଲା।
ମୁଖ୍ୟ ଅତିଥି ଭାବେ ବାଲେଶ୍ବର ବିଧାୟକ ସ୍ବରୂପ ଦାସ ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରି ରକ୍ତଦାନର ଗୁରୁତ୍ବ ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥି ରୂପେ ଜିଲା ପରିଷଦ ସଭାପତି ନାରାୟଣ ପ୍ରଧାନ ଯୋଗଦେଇ ରକ୍ତ ଦାତାଙ୍କୁ ଉତ୍ସାହିତ କରିଥିଲେ । ଅନ୍ୟ ମାନଙ୍କ ମଧ୍ୟରେ ମୁନିସିପାଲିଟି ଉପାଧ୍ୟକ୍ଷ କୈଳାସ ସେଠୀ, ପୂର୍ବତନ ଉପ ନଗରପାଳ ମନୋଜ ରାଉତ, ସଦର ବ୍ଲକ ସଭାପତି ବସନ୍ତ ପଣ୍ଡା, ବରିଷ୍ଠ ନେତା ରଂଜନ ବାଗ, ଟାଉନ ମହିଳା ସଭାପତି ତଥା କାଉନସିଲର ମୀନା ମହାନ୍ତି, ରାଜ୍ୟ ଯୁବ କାର୍ଯ୍ୟକାରୀ ସଭାପତି ଶୁଭେନ୍ଦୁ ମଙ୍ଗରାଜ, ଜିଲା ବିଜେଡି ଯୁବ ସଭାପତି ତାପସ ପରିଡା, ଜୋନାଲ ଯୁବ ସାଧାରଣ ସମ୍ପାଦକ ଧିରେନ ନାୟକ, ସଦର ନିର୍ବାଚନ ମଣ୍ଡଳୀ ଯୁବ ସଭାପତି ସେକ ଅନସର,ଟାଉନ ଯୁବ ସଭାପତି ଉମାଶଂକର ତିଆଡି, ବ୍ଲକ ଯୁବ ସଭାପତି ଦିଲ୍ଲୀପ ମହାନ୍ତି, ଛାତ୍ରନେତା ବିଭୁଦତ୍ତ ପରିଡା, ରାଜ୍ୟ ମହିଳା ସଂପାଦିକା ଦୀପାରାଣୀ ସାହୁ, ବରିଷ୍ଠ ନେତା ଯଯାତି ଦାସ,୨୬ନଂ ଜୋନ ଜିଲା ପରିଷଦ ସଭ୍ୟା ସୋନାଲି ବିଶ୍ବାଲ, କାଉନସିଲର କବିତା ମୁର୍ମୁ, ସନ୍ଧ୍ୟାରାଣୀ ଜେନା, ସବିତାରାଣୀ ଦାସ, ସେକ ଆୟୁବ, କାର୍ତିକ ସାହୁ, ପୂର୍ବତନ କାଉନସିଲର ବିଶ୍ବଜିତ ମହାପାତ୍ର, ସଂଜୟ ବେହେରା, ଇତିକୃଷ୍ଣା ସ୍ବାଇଁ, ଏସି ସେଲ ସଭାପତି ଶତୃଘ୍ନ ମଲ୍ଲିକ ପ୍ରମୁଖ ଉପସ୍ଥିତ ଥିବା ବେଳେ ଉଭୟ ଟାଉନ ଓ ବ୍ଲକ ବିଜୁ ଯୁବ ଜନତା ଦଳର କର୍ମକର୍ତ୍ତା ମାନେ ସହଯୋଗ କରିଥିଲେ।
