ଚଣ୍ଡିଗଡ ମେୟର ନିର୍ବାଚନରେ ବିଜେପିର ବାଜିମାତ : ସରବଜିତ୍ କୌର ହେଲେ ନୂଆ ମେୟର
ଚଣ୍ଡିଗଡ : ଚଣ୍ଡିଗଡ ମେୟର ନିର୍ବାଚନରେ ବିଜେପିର ବାଜିମାତ୍ । ଚଣ୍ଡିଗଡ ମହାନଗର ନିଗମର ନୂଆ ମେୟର ହେଲେ ଭାରତୀୟ ଜନତା ପାର୍ଟିର ସରବଜିତ୍ କୌର । ୧୪ ଖଣ୍ଡ ଭୋଟରେ ଜିତି ସେ ସିଏମସିର ମେୟର ହୋଇଛନ୍ତି । ମେୟର ମତଦାନ ପାଇଁ ପାଖାପାଖି ୨୮ ଖଣ୍ଡ ଭୋଟ୍ ପଡିଥିଲା ।
ସେପଟେ ମେୟର ନିର୍ବାଚନରେ ଭାଜପାର ବାଜିମାତ ପରେ ହଙ୍ଗାମା କରିଛି ଆମ ଆଦମୀ ପାର୍ଟି । ଆପ କାଉନସିଲର ମ୍ୟୁନିସିପାଲ କର୍ପୋରେସନ ହଲରେ ହୋହାଲ୍ଲା କରିଛନ୍ତି । ଉଲ୍ଲେଖଯୋଗ୍ୟ, କଂଗ୍ରେସ ଏବଂ ଶିରୋମଣି ଅକାଳି ଦଳ ମେୟର ନିର୍ବାଚନ ପ୍ରକ୍ରିୟାରେ ଅଂଶଗ୍ରହଣ କରିନଥିଲେ । ଯେଉଁ କାରଣରୁ ବିଜେପି ଏବଂ ଆପ୍ ମଧ୍ୟରେ ସିଧାସଳଖ ଟକ୍କର ହୋଇଥିଲା ।
