ମଞ୍ଚରେ କାନ ଧରି ଉଠ୍ ବସ ହେଲେ ବିଜେପି ବିଧାୟକ, ଭିଡିଓ ଭାଇରାଲ
ଲକ୍ଷ୍ନୌ : ଉତ୍ତରପ୍ରଦେଶରେ ଏବେ ନିର୍ବାଚନ ଋତୁ ଚାଲିଛି । ବିଧାନସଭା ନିର୍ବାଚନ ପାଇଁ ସବୁ ରାଜନୈତିକ ଦଳ ଗୁଡିକ ଭୋଟରଙ୍କୁ ଆକୃଷ୍ଟ କରିବାକୁ ଭିନ୍ନ ଭିନ୍ନ ତରିକାରେ ପ୍ରଚାର କରୁଛନ୍ତି । ଉତ୍ତରପ୍ରଦେଶର ସୋନଭଦ୍ରା ଜିଲାର ରୋବଟ୍ସଗଞ୍ଜରୁ ବିଜେପି ଟିକେଟରୁ ବିଧାୟକ ଥିବା ଭୂପେଶ ଚୈବେଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ସୂଚନା ଯେ, ରୋବଟ୍ସଗଞ୍ଜରେ ବିଜେପି ତରଫରୁ ଏକ ଜନସଭାର ଆୟୋଜନ କରାଯାଇଥିଲା । ଏହି ଜନସଭାରେ ସ୍ଥାନୀୟ ବିଜେପି ବିଧାୟକ ଭୂପେଶ ଚୈବେ ସାମିଲ ହୋଇଥିଲେ । ପରେ ବିଧାୟକ ଜଣଙ୍କ ଅସନ୍ତୋଷ ଜନତାଙ୍କୁ ମନାଇବା ପାଇଁ ନିଆରା ପ୍ରୟାସ କରିଥିଲେ ।ହେଲେ ୫ବର୍ଷ ଧରି ବିଧାୟକ ଥିବା ଭୂପେଶ ଚୈବେ କହିଥିଲେ ଗତ୫ ବର୍ଷ ମଧ୍ୟରେ ମୋ ତରଫରୁ ଯାହା ଭୁଲ ହୋଇଛି ତାହା ଆଗକୁ କେବେ ହେବ ନାହିଁ କହି ବିଧାୟକ ଜଣଙ୍କ ମଞ୍ଚରେ କାନ ଧରି ଉଠ୍ ବସ ହୋଇଛନ୍ତି । ଛତିଶଗଡ ପ୍ରଦେଶ କଂଗ୍ରେସ ସେବା ଦଳ ଏହି ଭିଡିଓ ସେୟାର କରି ଲେଖିଛନ୍ତି ଯେ ରୋବଟ୍ସଗଞ୍ଜରେ ବିଜେପି ବିଧାୟକ ଭୁପେଶ ଚୈବେ ତାଙ୍କ କାନ ଧରି ଉଠବସ ହୋଇଛନ୍ତି ଯାହା ଦ୍ୱାରା ଜନସାଧାରଣ ତାଙ୍କର ପାଞ୍ଚ ବର୍ଷର ଭୁଲ୍ ଭୁଲିଯିବେ। ହେଲେ ଗଣତନ୍ତ୍ରରେ ଲୋକଙ୍କ ଅପେକ୍ଷା କେହି ଅଧିକ ଶକ୍ତିଶାଳୀ ନୁହଁନ୍ତି ।
