ଅଷ୍ଟମ ବର୍ଷ ପାଇଁ ଚଣ୍ଡିଗଡ଼ ମ୍ୟୁନିସପାଲ କର୍ପୋରେସନରେ ବିଜେପି ନିୟନ୍ତ୍ରଣରେ
ମେୟର, ସିନିୟର ଡେପୁଟି ମେୟର ଓ ଡେପୁଟି ମେୟର ପଦରେ ଜିତିଲେ
ଚଣ୍ଡିଗଡ଼ : ଚଣ୍ଡିଗଡ଼ ମ୍ୟୁନିସପାଲଟି କର୍ପୋରେସନରେ ମେୟର ପଦ ପୁଣିଥରେ ଭାରତୀୟ ଜନତା ପାର୍ଟି ହାତେଇଛି । ସାଂସଦ କିରନ୍ ଖେରଙ୍କ ଗୋଟିଏ ଭୋଟ୍ ଉପରେ ବିଜେପି ଏଠାରେ ମେୟର, ବରିଷ୍ଠ ଡେପୁଟି ମେୟର ଏବଂ ଡେପୁଟି ମେୟର ପଦବୀ ହାସଲ କରିଛି । କଂଗ୍ରେସ ପରିଷଦ ଏବଂ ଶିରୋମଣୀ ଅକାଳୀ ଦଳ ଏଥିରେ ଭାଗ ନେଇନଥିଲେ । ଚଣ୍ଡିଗଡ଼ରେ ମେୟରଙ୍କ କାର୍ଯ୍ୟକାଳ ଏକ ବର୍ଷ । ଏଠାରେ ମୋଟ ୩୫ଟି ସିଟ୍ ମଧ୍ୟରୁ ବର୍ତମାନ ବିଜେପି ୧୪, ଆମ୍ ଆଦମୀ ପାର୍ଟି ୧୪, କଂଗ୍ରେସ ୬ଟି ଏବଂ ଶିରୋମଣୀ ଅକାଳୀ ଦଳର ଗୋଟିଏ କାଉନସିଲର ଅଛନ୍ତି । ଏଠାରେ ଗୋଟିଏ ଭୋଟ୍ ସାଂସଦଙ୍କର ଅଟେ ।
