ଖଇରା ବ୍ଲକ ୪ନଂ ଜୋନରେ ବିଜେଡି ପଦଯାତ୍ରା
ଖଇରା : ବାଲେଶ୍ୱର ଜିଲା ଖଇରା ବ୍ଲକର ୪ନଂ ଜୋନରେ ମଙ୍ଗଳବାର ଦିନ ବିଜେଡି କର୍ମୀଙ୍କର ବିଶାଳ ପଦଯାତ୍ରା ଅନୁଷ୍ଠିତ ହୋଇ ଯାଇଛି । ପ୍ରଥମେ ହଜାର ହଜାର କର୍ମୀଙ୍କର ଏକ ଶୋଭାଯାତ୍ରା ତୋରାଣିପଦା ଛକରୁ ବାହାରି ଖଇରା ବଜାର ପରିକ୍ରମା କରି ଦୁର୍ଗାମଣ୍ଡପରେ ପହଞ୍ଚିଥିଲା । ବ୍ଲକ ସଭାପତି ବ୍ରଜ କିଶୋର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ କର୍ମୀ ସମାବେଶରେ ବିଧାୟକ ପାଣିଗ୍ରାହୀ ଯୋଗ ଦେଇ ୨୫ବର୍ଷ ଶାସନରେ ବିକାଶ ପ୍ରତି ପରିବାର କୁ ସ୍ପର୍ଶ କରିଛି । ଏଣୁ ଏହି ଧାରା ବଜାୟ ରଖିବାକୁ ଓଡିଶାରେ ନବୀନ ବାବୁଙ୍କୁ ୬ଷ୍ଠଥର ପାଇଁ ମୁଖ୍ୟମନ୍ତ୍ରୀ ଆସନରେ ବସାଇବାକୁ ଜନସାଧାରଣଙ୍କ ଆଶିର୍ବାଦ ଲୋଡିଥିଲେ ।
ଜିଲା ପରିଷଦ ସଭ୍ୟ ମାନଶ କୁମାର ଦାଶ, ସଭ୍ୟା ସୁଶମା ମହାପାତ୍ର ଓ ରଶ୍ମିତା ମହାପାତ୍ର,ସମ୍ପଦ ଘଡେଇ,ରମାକାନ୍ତ ମହାନ୍ତି,ଜୟନ୍ତ କୁମାର ରାଉତ,ନର୍ମଦା ଦେଓ,ଜୟନ୍ତୀ ମହଲା,ସୁମିତ୍ରା ମହାପାତ୍ର,ରାଧାକାନ୍ତ ପାତ୍ର,ପୁଷ୍ପଲତା ଘଡେଇ,ଛବିଲତା ମହାପାତ୍ର,ଗୌତମ ରାଉତ ଙ୍କ ସମେତ ବିଭିନ୍ନ ପଞ୍ଚାୟତର ଲୋକପ୍ରତିନିଧି ଓ ଦଳିୟ କର୍ମକର୍ତ୍ତା ଯୋଗ ଦେଇ ୨୫ବର୍ଷରେ ପ୍ରଣୟନ ହୋଇଥିବା ଯୋଜନା ଉପରେ ଆଲୋକପାତ କରି ସିମୁଳିଆରେ ଶାନ୍ତିପ୍ରଗତି ଓ ମୈତ୍ରୀର ଧାରା ବଜାୟ ରଖିବାକୁ ବର୍ତ୍ତମାନର ବିଧାୟକଙ୍କୁ ତୃତୀୟ ଥର ବିଜୟୀ କରାଇବାକୁ ନିବେଦନ କରିଥିଲେ ।
