ଟ୍ରକ ଧକ୍କାରେ ବାଇକ ଆରୋହୀ ମୃତ
ନୂଆପଡ଼ା : ନୂଆପଡ଼ା ଜିଲ୍ଲା କୋମନା ଥାନା ଘୋଟସର ନର୍ସରୀ ନିକଟରେ ଏକ ବାଇକକୁ ଟ୍ରକ ଧକ୍କା ଦେବାରୁ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ଯୁବକ ଜଣକ ହେଲେ ବୋଡ଼େନ ଥାନା କିରେକେଲା ଟାଙ୍ଗିରୀପଡ଼ାର ଟଙ୍କଧର ମାଝୀ (୩୦) । ଟାଗରିପଡାର ଟଙ୍କଧର ଉଦ୍ୟାନବନ୍ଧ ପଟୁ ଏକ ବାଇକରେ ଜାତୀୟ ରାଜପଥ ୩୫୩ରେ କୋମନା ଆଡେ ଯାଉଥିଲେ । ଅନ୍ୟପଟେ ଏକ ଟ୍ରକ କୋମନା ଆଡୁ ଉଦ୍ୟାନବନ୍ଧ ଆଡେ ଆସୁଥିଲା । ଘୋଟସର ନର୍ସରୀ ନିକଟରେ ବାଇକକୁ ସାମନା ପଟୁ ଟ୍ରକ ଧକ୍କା ଦେଇଥିଲା । ଫଳରେ ବାଇକ ଆରୋହୀ ଟଙ୍କଧରଙ୍କ ମୃତ୍ୟୁ ହୋଇଥିଲା । ଏହି ଖବର ପାଇ କୋମନା ପୁଲିସ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି । ପୋଲିସ ଟ୍ରକକୁ ଜବତ କରି ତରବୋଡ଼ ଫାଣ୍ଡିରେ ରଖିଥିବା ବେଳେ ଡ୍ରାଇଭରକୁ ଗିରଫ କରିଥିବା ଜଣାପଡିଛି ।
