ଇପିଏଫଓର ବଡ଼ ଘୋଷଣା; ଏଣିକି ଚାକିରି ବଦଳାଇଲେ ଟ୍ରାନ୍ସଫର ହେବ ନାହିଁ ପିଏଫ ଖାତା
ନୂଆଦିଲ୍ଲୀ : ଇପିଏଫଓର କେନ୍ଦ୍ରୀୟ ଟ୍ରଷ୍ଟି ବୋର୍ଡର ବୈଠକରେ ଶନିବାର ଏକ ବଡ଼ ଘୋଷଣା କରାଯାଇଛି। ପ୍ରୋଭିଡେଣ୍ଟ ଫଣ୍ଡ (ପିଏଫ) ଖାତାର କେନ୍ଦ୍ରୀୟ ଆଇଟି ସିଷ୍ଟମକୁ ଅନୁମୋଦନ କରାଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି। ଏହାର ଅର୍ଥ ହେଉଛି ଯଦି ଜଣେ କର୍ମଚାରୀ ଚାକିରି ବଦଳାନ୍ତି କିମ୍ବା ଗୋଟିଏ କମ୍ପାନୀରୁ ଅନ୍ୟ କମ୍ପାନୀରେ ଯୋଗ ଦିଅନ୍ତି, ତେବେ ପିଏଫ ଆକାଉଣ୍ଟ ସ୍ଥାନାନ୍ତର କରିବାରେ କୌଣସି ଅସୁବିଧା ହେବ ନାହିଁ।ଏହି କାର୍ଯ୍ୟ ସ୍ୱୟଂଚାଳିତ ବା ଅଟୋମେଟିକ୍ ଭାବରେ କରାଯିବ।
ସେଣ୍ଟ୍ରାଲାଇଜ ସିଷ୍ଟମ ସାହାଯ୍ୟରେ କର୍ମଚାରୀଙ୍କ ପିଏଫ ଆକାଉଣ୍ଟ ମର୍ଜ ହେବ। ବର୍ତ୍ତମାନ ପର୍ଯ୍ୟନ୍ତ ଥିବା ନିୟମ ଅନୁସାରେ, ଯେତେବେଳେ ଜଣେ କର୍ମଚାରୀ ଗୋଟିଏ କମ୍ପାନୀ ଛାଡି ଅନ୍ୟ କମ୍ପାନୀକୁ ଯାଆନ୍ତି, ସେତେବେଳେ ସେ ପିଏଫ ଟଙ୍କା ଉଠାନ୍ତି କିମ୍ବା ଅନ୍ୟ କମ୍ପାନୀକୁ ସ୍ଥାନାନ୍ତର କରନ୍ତି। ସେହି ଖାତା ସ୍ଥାନାନ୍ତର ବା ଟ୍ରାନ୍ସଫର କରିବାର ଏହି କାର୍ଯ୍ୟ ନିଜେ କରିବାକୁ ହେବ। କିନ୍ତୁ ସେଣ୍ଟ୍ରାଲାଇଜ ସିଷ୍ଟମ, କର୍ମଚାରୀଙ୍କ ବିଭିନ୍ନ ପିଏଫ ଆକାଉଣ୍ଟକୁ ମର୍ଜ କରି ଗୋଟିଏ ଆକାଉଣ୍ଟ କରିବ।
ଏହା ବ୍ୟତୀତ ସେଣ୍ଟ୍ରାଲ୍ ବୋର୍ଡ ଅଫ୍ ଏମ୍ପ୍ଲାଇଜସ୍ ପ୍ରୋଭିଡେଣ୍ଟ୍ ଫଣ୍ଡ୍ ଅର୍ଗାନାଇଜେସନ୍ (ଇପିଏଫ୍ଓ) ବୈଠକରେ ନିଷ୍ପତ୍ତି ନେଇଛି ଯେ, ଇପିଏଫ୍ଓର ବାର୍ଷିକ ଜମା ମଧ୍ୟରୁ ୫ ପ୍ରତିଶତ ଇନଫ୍ରାଷ୍ଟ୍ରକ୍ଚର ଇନଭେଷ୍ଟମେଣ୍ଟ ଟ୍ରଷ୍ଟ ଆମନ୍ତ୍ରଣ ସହିତ ବିକଳ୍ପ ନିବେଶରେ ବିନିଯୋଗ ହେବ। ଶନିବାର ଅନୁଷ୍ଠିତ ହେବାକୁ ଥିବା ବୈଠକକୁ ବହୁ ସମୟ ଅପେକ୍ଷା କରାଯାଇଥିଲା କାରଣ ଏଥିରେ ଅନେକ ଗୁରୁତ୍ୱପୂର୍ଣ୍ଣ ଜିନିଷ ନିଷ୍ପତ୍ତି ନିଆଯାଉଥିଲା। ସର୍ବନିମ୍ନ ପେନସନର ପରିମାଣ ଏବଂ ପିଏଫର ସୁଧ ହାର ବୃଦ୍ଧି ଉପରେ ମଧ୍ୟ ଆଲୋଚନା ହୋଇଛି। ଏହି ସମୟରେ ବିକଳ୍ପ ପାଣ୍ଠିରେ ପୁଞ୍ଜି ବିନିଯୋଗ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ଇପିଏଫ୍ କେନ୍ଦ୍ରୀୟ ବୋର୍ଡ ଏହାର ଅନୁମତି ଦେଇଛି।
ଶ୍ରମ ଓ ରୋଜଗାର ମନ୍ତ୍ରଣାଳୟର ସଚିବ ସୁନୀଲ ଭାରତୱାଲ କହିଛନ୍ତି, “ବିକଳ୍ପ ପାଣ୍ଠିରେ ବିନିଯୋଗକୁ ବୋର୍ଡ ସବୁଜ ସଙ୍କେତ ଦେଇଛି। ବର୍ତ୍ତମାନ, କେବଳ ସରକାରୀ ସମର୍ଥିତ ବିକଳ୍ପ ପାଣ୍ଠି ଉପରେ ଧ୍ୟାନ ଦିଆଯିବ। ଏଥିରେ ପବ୍ଲିକ ସେକ୍ଟର ପାଣ୍ଠି InvITs ଅନ୍ତର୍ଭୁକ୍ତ। ଏହା ଇପିଏଫ୍ଓର ବିନିଯୋଗକୁ ବିବିଧ କରିବ।
