ଭାରତ ବାୟୋଟେକ ସ୍ଥିର କଲା ନାଜାଲ ଭ୍ୟାକସିନର ଦାମ, ଦେବାକୁ ପଡ଼ିବ ୫% ଜିଏସଟି

ନୂଆଦିଲ୍ଲୀ : ଚୀନ୍ ସମେତ ପୁରା ବିଶ୍ୱର ଅନେକ ଦେଶରେ କୋରୋନାର ବଢୁଥିବା ମାମଲା ମଧ୍ୟରେ ଭାରତରେ ଏକ ଭଲ ଖବର ସାମ୍ନାକୁ ଆସିଛି। ନାକ ଦେଇ ଦିଆଯିବାକୁ ଥିବା ଭାରତ ବାୟୋଟେକ୍ ନାଜାଲ୍ ଭ୍ୟାକସିନର ମୂଲ୍ୟ ସ୍ଥିର କରାଯାଇଛି। ଏହି ନାଜାଲ୍ ଟିକାକରଣର ମୂଲ୍ୟ ୮୦୦ ଟଙ୍କା ରଖାଯାଇଛି । ଏଠାରେ କହିରଖୁଛୁ ଯେ ଗତ ସପ୍ତାହରେ, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ ଅର୍ଥାତ୍ ଡିସିଜିଆଇ, ଏହି ଇଣ୍ଟ୍ରାନାଜାଲ୍ ଟିକା ଇନକୋଭାକକୁ କୋରୋନା ବୁଷ୍ଟର୍ ଡୋଜରେ ଅନ୍ତର୍ଭୁକ୍ତ କରିବାକୁ ଅନୁମୋଦନ କରିଥିଲା । ଯାହା ପରେ କୋୱିନ୍ ପୋର୍ଟାଲରେ ନାଜାଲ୍ ଟିକାକୁ ତାଲିକାଭୁକ୍ତ କରାଯାଇଥିଲା।

ସୂଚନା ଅନୁଯାୟୀ, ନାକ ଦ୍ୱାରା ଦିଆଯିବାକୁ ଥିବା ଟିକା ପାଇଁ ୮୦୦ଟଙ୍କା ମୂଲ୍ୟ ସହିତ ୫% ଜିଏସଟି ମଧ୍ୟ ଲାଗୁ ହେବ। ତଥାପି, ଡାକ୍ତରଖାନା ଗୁଡ଼ିକ ଏଥିରେ ନିଜସ୍ୱ ଚାର୍ଜ ଯୋଡିପାରିବେ । ସରକାର ଏହି କୋଭିଡ ଟିକା ମୂଲ୍ୟ ସ୍ଥିର କରି ଏହାକୁ ବୁଷ୍ଟର ଡୋଜ ଭାବରେ ଅନୁମୋଦନ କରିଛନ୍ତି। ଏହା ସରକାରୀ ଡାକ୍ତରଖାନାଗୁଡ଼ିକରେ ୩୨୫ ଟଙ୍କାରେ ଉପଲବ୍ଧ ହେବାକୁ ଯାଉଛି ।ବର୍ତ୍ତମାନ ଏହି ଟିକା କେବଳ ଘରୋଇ କେନ୍ଦ୍ରରେ ଉପଲବ୍ଧ ହେବ। ଜାନୁଆରୀ ଚତୁର୍ଥ ସପ୍ତାହରେ ନାକ ଦ୍ୱାରା ଟୀକାକରଣ ଅର୍ଥାତ୍ ନାଜାଲ ଟିକାକରଣ ଆରମ୍ଭ ହେବ ବୋଲି କୁହାଯାଉଛି।

କରୋନା ସଂକ୍ରମଣରୁ ରକ୍ଷା କରିବା ପାଇଁ ନାଜାଲ୍ ଟିକା (ନାଜାଲ୍ ଭ୍ୟାକସିନ୍) ନାକ ଦେଇ ଡ୍ରପ୍ କରି ଦିଆଯିବ, ଅର୍ଥାତ୍ ଟିକା ନେଉଥିବା ବ୍ୟକ୍ତିଙ୍କୁ ବାହୁ ଦ୍ୱାରା ଟିକାକରଣ କରାଯିବ ନାହିଁ। ଏହାପୂର୍ବରୁ, ଅନ୍ୟ କମ୍ପାନୀଗୁଡିକ ଦେଇଥିବା ସମସ୍ତ ଟିକାକୁ ସେମାନଙ୍କ ବାହୁରେ ଟିକା ଦିଆଯାଉଛି । କିନ୍ ନାଜାଲ ଭ୍ୟାକସିନକୁ ଉଭୟ ନାକ ଭିତରେ ଦୁଇ ଦୁଇ ବୁନ୍ଦା ଇଣ୍ଟ୍ରାନାଜାଲ କରାଯିବ। ଏହି ଟିକା ପ୍ରୟୋଗ କରିବାରେ କୌଣସି ଯନ୍ତ୍ରଣା ହେବ ନାହିଁ । ଭାରତ ଟେକର ଏହି ଟିକା ର ନାମ ହେଉଛି ବିବିଭି୧୫୪।

୧୮ ବର୍ଷରୁ ଅଧିକ ବୟସ୍କଙ୍କୁ ଦିଆଯିବ ଏହି ଟିକା :

କୋଉଇନ ବ୍ୟତୀତ ଘରୋଇ କେନ୍ଦ୍ରରେ ଭାରତ ବାୟୋଟେକର ନାକ ଟିକା ବା ନାଜାଲ ଭ୍ୟାକସିନ ମଧ୍ୟ ଉପଲବ୍ଧ ହେବ । ଏହି ବିବିଭି୧୫୪ ଟିକାକୁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିସିଜିଆଇ) ଦ୍ୱାରା ନଭେମ୍ବରରେ ୧୮ ବର୍ଷରୁ ଅଧିକ ଲୋକଙ୍କ ପାଇଁ ‘ବୁଷ୍ଟର୍’ ଡୋଜ ଭାବରେ ବ୍ୟବହାର କରିବାକୁ ଅନୁମୋଦନ କରାଯାଇଥିଲା। ଚାଇନା ଏବଂ ଅନ୍ୟାନ୍ୟ ଦେଶରେ ସଂକ୍ରମଣର ବୃଦ୍ଧି ଘଟୁଥିବା ବେଳେ ଏହି ଟିକାକୁ ଅନୁମୋଦନ କରାଯାଇଛି।