ଟି-୨୦ ବିଶ୍ବକପ ସେମିଫାଇନାଲ ପୂର୍ବରୁ ଭାରତକୁ ଝଟ୍କା, ଅଭ୍ୟାସ ବେଳେ ଆହତ ହେଲେ ରୋହିତ
ଆଡିଲେଡ : ଭାରତୀୟ ଅଧିନାୟକ ରୋହିତ ଶର୍ମା ଆହତ । ଚଳିତ ଟି-୨୦ ବିଶ୍ବକପର ଗୁରୁତ୍ବପୂର୍ଣ୍ଣ ସେମିଫାଇନାଲ ମ୍ୟାଚ୍ ପୂର୍ବରୁ ଟିମ ଇଣ୍ଡିଆକୁ ଲାଗିଛି ବଡ ଝଟକା । ଆଡିଲେଡରେ ଅଭ୍ୟାସ ସମୟରେ ଅଧିନାୟକ ରୋହିତ ଶର୍ମା ଆହତ ହୋଇଛନ୍ତି । ତାଙ୍କ ଡାହାଣ ହାତରେ ଆଘାତ ଲାଗିଥିବା ଜଣାପଡିଛି । ସେମି ଫାଇନାଲକୁ ଗୋଟିଏ ଦିନ ବାକି ଥିବାବେଳେ ରୋହିତ ଆହତ ହେବା ଦଳ ପାଇଁ ଚିନ୍ତାର କାରଣ ହୋଇଛି । ରୋହିତ ସେମି ଫାଇନାଲ ମ୍ୟାଚ୍ ନ ଖେଳିବା ନେଇ ଆଶଙ୍କା ଦେଖାଦେଇଛି ।
ଆସନ୍ତାକାଲିଠୁ (ବୁଧବାର) ସେମି ଫାଇନାଲ ରାଉଣ୍ଡ ଆରମ୍ଭ ହେବ । ଚତୁର୍ଥ ଥର ପାଇଁ ସେମି ଫାଇନାଲରେ ଭାରତ ପ୍ରବେଶ କରିଛି । ଗୁରୁବାର ଭାରତ ଓ ଇଂଲଣ୍ଡ ମଧ୍ୟରେ ସେମିଫାଇନାଲ ମ୍ୟାଚ ଖେଳାଯିବ । ମେଲବର୍ଣ୍ଣରେ ଜିମ୍ବାୱେକୁ ପରାସ୍ତ କରିବା ପରେ ଭାରତ ସେମି ଫାଇନାଲରେ ସ୍ଥାନ ପକ୍କା କରିଥିଲା । ଏ ନେଇ ଦଳ ସୋମବାର ଆଡିଲେଡରେ ପହିଞ୍ଚିଥିଲା ଦଳ । ଆଜି ଅଭ୍ୟାସ ସମୟରେ ଅଧିନାୟକ ରୋହିତ ଶର୍ମା ଆହତ ହୋଇଛନ୍ତି । ତାଙ୍କ ଡାହାଣ ହାତରେ ଆଘାତ ଲାଗିଥିବା ଜଣାପଡିଛି । ଇଂଲଣ୍ଡ ବିପକ୍ଷ ସେମି ଫାଇନାଲ ମ୍ୟାଚ ପୂର୍ବରୁ ଅଧିନାୟକ ଆହତ ହେବା ଦଳ ପାଇଁ ଚିନ୍ତାଜନକ ହୋଇଛି । ଏପରି ସ୍ଥିତିରେ ରୋହିତ ସେମି ଫାଇନାଲ ନ ଖେଳିବା ନେଇ ଆଶଙ୍କା ଦେଖା ଦେଇଛି ।
ଚଳିତ ଟି-୨୦ ବିଶ୍ବକପରେ ଭାରତର ଭଲ ପ୍ରଦର୍ଶନ ରହିଛି । ସୁପର ୧୨ ଗ୍ରୁପ ପର୍ଯ୍ୟାୟର ପ୍ରଥମ ମୁକାବିଲାରେ ପାକିସ୍ତାନକୁ ହରାଇ ବିଜୟ ଅଭିଯାନ ଆରମ୍ଭ କରିଥିଲା । ଏହାପରେ ନେଦରଲାଣ୍ଡସ,ବାଂଲାଦେଶ ଓ ଜିମ୍ବାୱେକୁ ପରାସ୍ତ କରିଥିଲା ଭାରତ । ଦକ୍ଷିଣ ଆଫ୍ରିକାଠୁ କେବଳ ପରାସ୍ତ ହୋଇଥିଲା ଦଳ । ୪ଟି ମ୍ୟାଚରୁ ୩ଟି ମ୍ୟାଚ ଜିତି ପଏଣ୍ଟ ଟେବୁଲ ଟପରେ ରହିଛି ଟିମ ଇଣ୍ଡିଆ । ପ୍ରକାଶ ଥାଉ କି, ଆସନ୍ତାକାଲି ପ୍ରଥମ ସେମି ଫାଇନାଲ ମ୍ୟାଚ୍ ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ଖେଳିଯିବ ।
