ଚର୍ଚ୍ଚାରେ ବର୍ଷା ପ୍ରିୟଦର୍ଶିନୀ, ‘ବିଜୟିନୀ’ର ଦମଦାର ଟ୍ରେଲର ରିଲିଜ୍
ଭୁବନେଶ୍ୱର : ନିମ୍କିରୁ କୁଇନ୍, ଆଉ କୁଇନରୁ ବିଜୟିନୀ ପାଲଟିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ। ବିଜୟିନୀ ବିଜୟୀ ଭବ, ଏମିତି ଏକ ଦମଦାର ଟାଇଟଲ୍ ସହ ଓଲିଉଡ୍ କୁଇନ୍ ଖୁବଶୀଘ୍ର ପରଦାକୁ ଆସୁଛନ୍ତି। ବିଜୟିନୀ ନାରୀ ସଶକ୍ତିକରଣର ଦୃଢ ବାର୍ତ୍ତା ନେଇ ଆସୁଛି। ଖୁବଶୀଘ୍ର ରୂପେଲି ପରଦାରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ଦେଖିବାକୁ ମିଳିବ। ଶୁକ୍ରବାର ତାଙ୍କର ଆଗାମୀ ଚଳଚ୍ଚିତ୍ର ‘ବିଜୟିନୀ’ର ଦମଦାର ଟ୍ରେଲର ରିଲିଜ ହୋଇଛି। ଫିଲ୍ମରେ ବର୍ଷାଙ୍କୁ ଜଣେ ଜିଲାପାଳ ଭୂମିକାରେ ଦେଖିବାକୁ ମିଳିବ। ଖୋଦ ଅଭିନେତ୍ରୀ ନିଜ ସୋସିଆଲ ମିଡିଆରେ ଲିଙ୍କ୍ ସେୟାର କରି ଏହାର ସୂଚନା ଦେଇଛନ୍ତି।
ଆମର ମ୍ୟୁଜିକ ଓଡିଆରେ ଫିଲ୍ମ ‘ବିଜୟିନୀ’ର ଟ୍ରେଲର ରିଲିଜ୍ ହୋଇଛି। ୩ ମିଟିନ ୨୫ ସେକେଣ୍ଡର ଏହି ଭିଡିଓକୁ ୧୫ ଘଣ୍ଟାରେ ସାଢେ ୧୭ ହଜାରରୁ ଊର୍ଦ୍ଧ୍ୱ ଭୁଜ୍ ମିଳିଛି। ସେଥିମଧ୍ୟରୁ ୧୩୦୦ ୟୁଜର୍ସ ‘ବିଜୟିନୀ’ର ଟ୍ରେଲରକୁ ଲାଇକ୍ କରିଛନ୍ତି। ନାରୀ ସଶକ୍ତିକରଣ ଉପରେ ଫିଲ୍ମ ଆଧାରିତ ହୋଇଥିଲା ବେଳେ ବର୍ଷାଙ୍କୁ ମୂଖ୍ୟ ଭୂମିକାରେ ଦେଖିବାକୁ ମିଳିଛି। ନିମ୍କିରୁ କୁଇନ୍, ଆଉ କୁଇନରୁ ବିଜୟିନୀ ପାଲଟିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ। ବିଜୟିନୀ ବିଜୟୀ ଭବ, ଏମିତି ଏକ ଦମଦାର ଟାଇଟଲ୍ ସହ ଓଲିଉଡ୍ କୁଇନ୍ ଖୁବଶୀଘ୍ର ପରଦାକୁ ଆସୁଛନ୍ତି। ବିଜୟିନୀ ନାରୀ ସଶକ୍ତିକରଣର ଦୃଢ ବାର୍ତ୍ତା ନେଇ ଆସୁଛି। ଟ୍ରେଲର ଦେଖିଲା ପରେ ଜଣେ ଦର୍ଶକ ନିଶ୍ଚିତ ଭାବେ ଫିଲ୍ମ କଣ କହିବାକୁ ଚାହୁଁଛି ତାହା ଜାଣିପିରିବେ। ବର୍ଷାଙ୍କ ଅନ୍ୟ ଫିଲ୍ମ ଭଳି ଏଥିରେ ବି ଓଡ଼ିଶାର ସଂସ୍କୃତି ଓ ପରମ୍ପରାର ଝଲକ ଦେଖିବାକୁ ମିଳିଛି। ବିଜୟିନୀରେ ବର୍ଷା ଅଭିନୟ କରିବା ସହ ଫିଲ୍ମର କ୍ରିଏଟିଭ୍ ହେଡ୍ ବି ଅଛନ୍ତି। ସେ ଫିଲ୍ମ କାହାଣୀ ଓ ଚିତ୍ରନାଟ୍ୟ ରଚନା କରିଛନ୍ତି। ବର୍ଷା ତାଙ୍କ ଫିଲ୍ମରେ ନବାଗତମାନଙ୍କୁ ସୁଯୋଗ ଦେଇଛନ୍ତି। ରିୟଲ ଲାଇଫରେ ସମ୍ମାନିତା ମାଧ୍ୟମରେ ସମାଜସେବା କରୁଥିବା ବର୍ଷା ରିଲରେ ବି ଲୋକଙ୍କ ସେବାର ଅଭିଳାଷା ରଖୁଥିବା ମହିଳା ଭୂମିକାରେ ନଜର ଆସିଛନ୍ତି। ଦୃଢ ଇଚ୍ଛା ଶକ୍ତି ବଳରେ ଜଣେ ନାରୀ କିଭଳି ଅସମ୍ଭବକୁ ସମ୍ଭବ କରି ଦେଖାଇଛି ତାହା ଏଇ ଫିଲ୍ମରେ ଦର୍ଶାଯାଇଛି। ବର୍ଷାଙ୍କ ବ୍ୟତୀତ ବିଜୟିନୀରେ ଦେବାଶିଷ, ଶଙ୍କର, ପ୍ରଜ୍ଞା, ବିକ୍ରମ, ଧୀର ମଲ୍ଲିକ, ସରୋଜ ଦାସତୃପ୍ତି ସିହ୍ନା, ମାମା, ପୁଷ୍ପା, ଶୋଭା ଓ ଅନ୍ୟ କଳାକାରଙ୍କୁ ଦେଖିବାକୁ ମିଳିଛି। ସୁଧାକର ବସନ୍ତ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ବିଜୟ କାଣ୍ଡୋଇ ଓ ସଂଗୀତା କାଣ୍ଡୋଇ ପ୍ରଯୋଜନା କରିଥିବା ବେଳେ ବିଜୟ ମଲ୍ଲ ଫିଲ୍ମର ସଂଳାପ ଲେଖିଛନ୍ତି। ଭଗତ ସିଂ ସିନେମାଟୋଗ୍ରାଫି ଓ ପ୍ରେମ ଆନନ୍ଦ ସଂଗୀତ ନିର୍ଦ୍ଦେଶନା ଦେଇଛନ୍ତି।
