ଗଛ ପଡ଼ି ଛିଣ୍ଡିଲା ଇଲେକ୍ଟ୍ରିକ ତାର, ଅଟକିଲା ବାଙ୍ଗିରିପୋଷି-ଭୁବନେଶ୍ୱର ଟ୍ରେନ୍
ବାରିପଦା : ଲଘୁଚାପ ଜନିତ ସକ୍ରିୟ ଗଭୀର ଅବପାତ ପ୍ରଭାବରେ ରାଜ୍ୟରେ ଜାରି ରହିଛି ବର୍ଷା । ଫଳରେ ରେଳ ଧାରଣାରେ ଗଛ ପଡିବାରୁ ଇଲେକ୍ଟ୍ରିକ ତାର ଛିଣ୍ଡି ଅଟକିଲା ବାଙ୍ଗିରିପୋଷି ଭୁବନେଶ୍ୱର ଟ୍ରେନ । ବାରିପଦା ଷ୍ଟେସନଠାରେ ବାଙ୍ଗିରିପୋଷିରୁ ଭୁବନେଶ୍ବର ଆସୁଥିବା ଟ୍ରେନ ଅଟକି ରହିଛି । ବର୍ତ୍ତମାନ ରେଲୱେ ବିଭାଗ ପକ୍ଷରୁ ମରାମତି ଚାଲି ଥିବାବେଳେ, ଟ୍ରେନ ବିଳମ୍ବରେ ଯାତ୍ରା ଆରମ୍ଭ କରିବ ବୋଲି ଜଣାପଡ଼ିଛି ।
ଗତ ଶୁକ୍ରବାର ରାତିରେ ପ୍ରବଳ ବର୍ଷା ପବନ ଯୋଗୁଁ ବାରିପଦା ଷ୍ଟେସନ ଠାରେ ଏକ ଗଛ ପଡିଯିବାରୁ ଇଲେକ୍ଟ୍ରିକ ତାର ଛିଣ୍ଡି ଯାଇଥିଲା । ଫଳରେ ଶନିବାର ସକାଳୁ ବାଙ୍ଗିରିପୋଷିରୁ ଭୁବନେଶ୍ୱର ଯାଉଥିବା ଟ୍ରେନ ଅଟକି ରହିଥିଲା । ଘଟଣା ସ୍ଥଳରେ ରେଲୱେ ବିଭାଗ ପହଞ୍ଚି ମରାମତି କାର୍ଯ୍ୟ ଜାରି ରଖିଛନ୍ତି । ଟ୍ରେନ ବିଳମ୍ବ ଚାଲିବା ନେଇ ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି ।
