ଶ୍ରୀମନ୍ଦିରରେ ବାମନ ଜନ୍ମ ନୀତି ଓ ପାର୍ଶ୍ୱ ପରିବର୍ତନ ଏକାଦଶୀ ପାଳିତ
ପୁରୀ : ଆଜି ଶ୍ରୀମନ୍ଦିରରେ ବାମନ ଜନ୍ମ ନୀତି ଓ ପାଶ୍ୱର୍ ପରିବର୍ତନ ଏକାଦଶୀ ନୀତି ପାଳିତ ହୋଇଯାଇଛି । ଏହି ପବିତ୍ର ତିଥିରେ ପ୍ରଥମେ ସକାଳ ଧୂପ ଓ ପରେ ଅନ୍ୟାନ୍ୟ ନୀତି ସମ୍ପନ୍ନ ହେବା ପରେ ଭୋଗମଣ୍ଡପ ଉଠିଥିଲା । ପରେ ଶ୍ରୀବିଗ୍ରହ ମାନଙ୍କୁ ମହାସ୍ନାନ କରାଯାଇଥିଲା । ଶ୍ରୀଜୀଉ ମାନଙ୍କୁ ନୂଆ ଲୁଗା ଓ ଶ୍ରୀଅଙ୍ଗରେ ଚନ୍ଦନ ଲାଗି ହୋଇଥିଲା । ସଂନ୍ଧ୍ୟା ଆଳତୀ ପରେ ଏକାଦଶୀ ବେଢ଼ାକୁ ମଦନମୋହନ ବିଜେ କରିଥିଲେ । ମଦନମୋହନ ବେଢ଼ା ବୁଲି ବଟବୃକ୍ଷ ମୂଳେ ବିଜେ ହୋଇଥିଲେ । ଜୟ ବିଜୟ ଦ୍ୱାର ଠାରେ ଏକାଦଶୀ ଭୋଗ ବନ୍ଦାପନା କରାଯାଇଥିଲା । ପରେ ଠାକୁର ଦକ୍ଷିଣୀ ଘରକୁ ବିଜେ କରିଥିଲେ ।
