ବାଲେଶ୍ବର ଆଞ୍ଚଳିକ ବାଣିଜ୍ୟ ସହଯୋଗ ସମିତିର ଉପସଭାପତି ନିର୍ଦ୍ୱନ୍ଦ ନିର୍ବାଚିତ
ବାଲେଶ୍ବର : ବାଲେଶ୍ବର ଆଞ୍ଚଳିକ ବାଣିଜ୍ୟ ସହଯୋଗ ସମିତିର ଉପସଭାପତି ନିର୍ବାଚନ ଆଜି ଏକ ରୋଚକ ପରିସ୍ଥିତିରେ ସମାପନ ହୋଇଯାଇଛି। ସଭାପତି ନିର୍ବାଚନରେ ବିଜେଡ଼ିର ଶୋଚନୀୟ ପରାଜୟ ପରେ ଉପସଭାପତି ପଦ ପାଇଁ ବିଜେଡ଼ି ତରଫରୁ କୌଣସି ପାର୍ଥୀ ପ୍ରତିଦ୍ବନ୍ଦିତା କରିନଥିଲେ। ଫଳ ସ୍ବରୂପ ନିର୍ବାଚନ ଅଧିକାରୀ ବିଜେପି ମଣ୍ଟ ପ୍ରାର୍ଥୀ ଶ୍ରୀମତୀ ମଞ୍ଜୁଲତା ବିଶ୍ବାଳଙ୍କୁ ବିଜୟୀ ଘୋଷଣା କରିଥିଲେ। ସେଠାରେ ଉପସ୍ଥିତ ଥିବା ବାଲେଶ୍ବର ଆଞ୍ଚଳିକ ବାଣିଜ୍ୟ ସହଯୋଗ ସମିତିର ସଭାପତି ସର୍ବେଶ୍ଵର ମହାନ୍ତି ଏବଂ ନିର୍ଦ୍ଦେଶକ ଶ୍ରୀନିବାସ ଦ୍ବାରୀ, ଫର୍ନାଲ ବିଶ୍ବାଳ, ପ୍ରଭଞ୍ଜନ ମଲ୍ଲିକ, ମହେଶ୍ୱର ପ୍ରଧାନ, ଦୁର୍ଗାଚରଣ ଜେନା, ଶରତଚନ୍ଦ୍ର ବାରିକ୍ ଓ ଶ୍ରୀମନ୍ତ ବାରିକ୍ ଶ୍ରୀମତୀ ବିଶ୍ବାଳଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ ଜଣାଇଥିଲେ। ଏହି ବିଜୟ ପରେ ବସ୍ତା ନିର୍ବାଚନ ମଣ୍ଡଳୀର ମୁକୁଳିସି ସେବା ସମବାୟ ସମିତି ଓ ମୁକୁଳିସି ଗ୍ରାମ ପଞ୍ଚାୟତରେ ଖୁସିର ଲହରୀ ଖେଳିଯାଇଛି
