ବାଲେଶ୍ୱର : ଭାଜପା ନୀଳଗିରି ତରଫରୁ ଭୋଟର ସଚେତନତା ମହାଅଭିଯାନ
ନୀଳଗିରି : ବାଲେଶ୍ୱର ଜିଲା ନୀଳଗିରି ଜଗନ୍ନାଥ ମନ୍ଦିର ନିକଟ ଶିଶୁମନ୍ଦିର ପରିସରରେ ସୋମବାର ଅପରାହ୍ନରେ ଭାଜପା ନୀଳଗିରି ତରଫରୁ ନିର୍ବାଚନ ମଣ୍ଡଳୀସ୍ତରୀୟ ଏକ ବିଶାଳ ଭୋଟର ସଚେତନତା ମହାଅଭିଯାନ ଅନୁଷ୍ଠିତ ହୋଇଯାଇଛି ।
ବିଧାୟକ ଇଂ. ସୁକାନ୍ତ କୁମାର ନାୟକ ଯୋଗଦେଇ କେମିତି ପ୍ରତ୍ୟେକ ବୁଥରେ ନୂତନ ଭୋଟର ଯୋଡ଼ିହେବେ, ବୁଥ୍ କେମିତି ମଜବୁତ୍ ହେବ, ଭ୍ରଷ୍ଟାଚାରରୁ ମୁକ୍ତି ପାଇଁ ଆଗାମୀ ଦିନରେ ପ୍ରତ୍ୟେକ ପଞ୍ଚାୟତ ଅଫିସ୍ ଘେରାଓ କରିବା ପାଇଁ ଆହ୍ୱାନ ଦେବା ସହ ୨୦୪୭ ମସିହା ସୁଦ୍ଧା ଭାରତକୁ ବିଶ୍ୱର ଏକ ନମ୍ବର ଦେଶ ଭାବରେ ପରିଗଣିତ କରିବା ଏବଂ ପ୍ରଧାନମନ୍ତ୍ରୀ ମୋଦୀ ଜୀଙ୍କ ଆହ୍ୱାନକୁ ସୁଦୃଢ଼ କରିବା ପାଇଁ ସମସ୍ତଙ୍କୁ ଶପଥ ଗ୍ରହଣ କରାଇଥିଲେ । ମହାଅଭିଯାନରେ ଭଦ୍ରକ ଜିଲା ବିଜେପି ପ୍ରଭାରୀ ଚନ୍ଦ୍ର ଶେଖର ନନ୍ଦ, ସାଂସଦଙ୍କ ବ୍ଲକ ପ୍ରତିନିଧି କରୁଣାକର ପଣ୍ଡା, ଜିଲା ଉପ-ସଭାପତି ଗଙ୍ଗାଧର ମିଶ୍ର, ରାଜ୍ୟକାର୍ଯ୍ୟକାରିଣୀ ସଦସ୍ୟ ଶୋଭନା ମହାନ୍ତି, ବଣସୀମା ମଣ୍ଡଳ ସଭାପତି ଅକ୍ଷୟ ବେହେରା, ସ୍ୱର୍ଣ୍ଣଚୁଡ଼ ମଣ୍ଡଳ ସଭାପତି ତାପସ ମହାନ୍ତିଙ୍କ ସମେତ ନିର୍ବାଚନ ମଣ୍ଡଳୀର ବହୁ କାର୍ଯ୍ୟକର୍ତ୍ତା ଅଂଶଗ୍ରହଣ କରିଥିଲେ।
