ବାଲେଶ୍ୱର : ଫୁଟିଲା ଦୁଇ ରାଉଣ୍ଡ ଗୁଳି, ଜଣେ ଗୁରୁତର
ବାଲେଶ୍ୱର : ବାଲେଶ୍ୱର ଜିଲା ଶିଳ୍ପାଞ୍ଚଳ ଥାନା ଅନ୍ତର୍ଗତ ସୁତେଇବଡ଼ଗାଁ ଅଞ୍ଚଳରେ ଫୁଟିଲା ଦୁଇ ରାଉଣ୍ଡ ଗୁଳି । ଚୋରା କାଠ ବ୍ୟବସାୟକୁ ନେଇ ଗୁଳିମାଡ଼ ହୋଇଥିବା ସୂଚନା । ଏଥିରେ ସେକ୍ ଜସିନ୍ ନାମକ ଜଣେ ବ୍ୟକ୍ତି ଗୁରୁତର ହୋଇଛନ୍ତି । ତାଙ୍କର ଛାତି ଓ ତଳି ପେଟରେ ଗୁଳି ଦୁଇଟି ବାଜି ଥିବାର ଜଣାପଡ଼ିଛି । ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା ଜାରି ରହିଛି । ଉକ୍ତ ଅଞ୍ଚଳର ସଞ୍ଜୟ ସିଂ ଗୁଳି ମାରିଥିବା ନେଇ ଅଭିଯୋଗ ହୋଇଛି ।
