ବାଲେଶ୍ୱର : ଆସାମୀ ମାଡ଼ରେ ଦୁଇ କନେଷ୍ଟବଳ ଗୁରୁତର

ବାଲେଶ୍ୱର : ବାଲେଶ୍ୱର ଜିଲା ଚାନ୍ଦିପୁର ଥାନାରେ ଅଘଟଣ । ଜଣେ ଆସାମୀଙ୍କ ମାଡ଼ରେ ଦୁଇ କନେଷ୍ଟବଳ ଗୁରୁତର । ଗୁରତର ଅବସ୍ଥାରେ ଦୁଇ ଜଣ କନଷ୍ଟେବଳଙ୍କୁ ଉଦ୍ଧାର କରାଯାଇ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି । ସେଠାରେ ଜଣଙ୍କର ଅବସ୍ଥା ଗୁରୁତର ଥିବାରୁ କଟକ ସ୍ଥାନାନ୍ତର ।

ସୂଚନା ଯେ, ଚାନ୍ଦିପୁର ଥାନା ତିଗିଡ଼ିଆ ଅଞ୍ଚଳର ସନାତନ ସରେନଙ୍କୁ ମାରପିଟ୍ ଅଭିଯୋଗରେ ଅଟକ ରଖାଯାଇଥିଲା । ସନାତନ କୌଣସି କାରଣରୁ ଉତ୍‌କ୍ଷିପ୍ତ ହୋଇ କନେଷ୍ଟବଳ ସିଦ୍ଦେଶ୍ୱର ସାହୁ ଓ ରାଜେଶ ବେହେରାଙ୍କୁ ଆକ୍ରମଣ କରିଥିଲେ । ଏକ କୋଦାଳ ବେଣ୍ଟରେ ଉଭୟ କନେଷ୍ଟବଳଙ୍କୁ ଗୋଡ଼େଇ ଗୋଡ଼େଇ ମାଡ଼ ମାରିଥିଲେ । ଗୁରୁତର ଅବସ୍ଥାରେ ଉଭୟ ତଳେ ପଡ଼ିଥିବାବେଳେ ଅନ୍ୟ କର୍ମଚାରୀମାନେ ତାଙ୍କୁ ଉଦ୍ଧାର କରିବା ସହ ସନାତନକୁ କାବୁ କରିଥିଲେ । ଉଭୟ କନେଷ୍ଟବଳରୁ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇ ଚିକିତ୍ସା କରାଯାଇଥିଲା । ସିଦ୍ଧେଶ୍ୱରଙ୍କ ଅବସ୍ଥା ଅତି ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି । ଅନ୍ୟପଟେ ଜିଲା ଆରକ୍ଷୀ ଅଧୀକ୍ଷକ ସାଗରିକା ନାଥ ଜିଲା ମୁଖ୍ୟଚିକିତ୍ସାଳୟରେ ପହଞ୍ôଚ ଦୁଇ କନେଷ୍ଟବଳଙ୍କ ସ୍ୱାସ୍ଥ୍ୟ ଅବସ୍ଥା ସମ୍ପର୍କରେ ବୁଝିଥିଲେ ।