ବାଲେଶ୍ୱର : ବୈଦିକ ଗୁରୁକୁଳ ଆଶ୍ରମରେ ଚାରା ରୋପଣ ଓ ସେବା କାର୍ଯ୍ୟ
ବାଲେଶ୍ୱର : ବାଲେଶ୍ୱର ଜିଲା ରୂପସା ଥାନା ଅନ୍ତର୍ଗତ ପିଞ୍ଛାବଣିଆ ସ୍ଥିତ ବୈଦିକ ଗୁରୁକୁଳ ଆଶ୍ରମରେ ପର୍ଯ୍ୟାବରଣର ସୁରକ୍ଷା ପାଇଁ ଏସ୍ବିଆଇ ଅଧିକାରୀ ସଂଘ, ଭୁବନେଶ୍ୱର ମଣ୍ଡଳର ୪୫ତମ ପ୍ରତିଷ୍ଠା ଦିବସ ଅବସରରେ ସଂଘର ସଭାପତି ଅମିତାଭ ଦାସ ଓ ସାଧାରଣ ସଂପାଦକ ଅରୁଣ କୁମାର ବିଶୋଇଙ୍କ ତତ୍ତ୍ୱାବଧାନରେ ଚାରା ରୋପଣ ଓ ସେବା କାର୍ଯ୍ୟ ଅନୁଷ୍ଠିତ ହୋଇଯାଇଛି ।
କାର୍ଯ୍ୟକ୍ରମରେ ବାଲେଶ୍ୱର ମଣ୍ଡଳ ସଭାପତି ରାଜେଶ ବେହେରା, ମଣ୍ଡଳ ସଂପାଦକ ସନତ କୁମାର ସାହୁ, ଆଞ୍ଚଳିକ ସଂପାଦକ ଆଶୋକ କୁମାର ଦାସ, ଆଞ୍ଚଳିକ କୋଷାଧ୍ୟକ୍ଷ ମହେଶ୍ୱର ପତି ଓ କାର୍ଯ୍ୟକାରୀ ସଦସ୍ୟା ଚିନ୍ମୟୀ କର ଯୋଗଦେଇ ଗୁରୁକୁଳରେ ବିଭିନ୍ନ କିସମର ଚାରା ରୋପଣ କରିବା ସହିତ ଆଶ୍ରମ ଅନ୍ତେବାସୀଙ୍କୁ ପାଠ୍ୟ ଉପକରଣ, ସ୍କୁଲ୍ ବ୍ୟାଗ୍ ଆଦି ପ୍ରଦାନ କରିଥିଲେ । ଗୁରୁକୁଳ ପକ୍ଷରୁ ଅନନ୍ତ କୁମାର ସାହୁ, କ୍ଷେତ୍ରମୋହନ ସାହୁ, ଅନ୍ତର୍ଯ୍ୟାମୀ ମହାପାତ୍ର, ଅଭିନେତା ପୂର୍ଣ୍ଣଦାଦା, ଗଛ ମଣିଷ ରବୀନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ । ଶେଷରେ ଗୁରୁକୁଳର ସଞ୍ଚାଳକ ଆଚାର୍ଯ୍ୟ ବିଜୟ ଜୀ ଧନ୍ୟବାଦ ଅର୍ପଣ କରିଥିଲେ ।
