ବାଲେଶ୍ୱର ଜିଲା ଆନ୍ତଃ କ୍ଲବ ସିନିୟର କ୍ରିକେଟ୍ ପ୍ରତିଯୋଗୀତା : ବେଲାସୁଣି କ୍ରିକେଟ୍ କ୍ଲବ ବିଜୟୀ
ବାଲେଶ୍ୱର : ବାଲେଶ୍ୱର ଜିଲା କ୍ରୀଡ଼ାସଂଘ ଓ ଓଡ଼ିଶା କ୍ରିକେଟ ଆସୋସିଏସନ ଆନୁକୂଲ୍ୟରେ ସ୍ଥାନିୟ ପରମିଟ ପଡ଼ିଆ ଠାରେ ଚାଲିଥିବା ଜିଲା ଆନ୍ତଃ କ୍ଲବ ସିନିୟର କ୍ରିକେଟ ପ୍ରତିଯୋଗୀତା ପରମିଟ ପଡ଼ିଆ ଠାରେ ବୁଧବାର ସ୍ପୋର୍ଟସ୍ ଏକାଡେମି ବସ୍ତା ଓ ବେଲାସୁଣି କ୍ରିକେଟ୍ କ୍ଲବ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ବେଲାସୁଣି କ୍ରିକେଟ୍ କ୍ଲବ ବିଜୟୀ ହୋଇଛି ।
ସ୍ପୋର୍ଟସ୍ ଏକାଡେମି ବସ୍ତା ପ୍ରଥମେ ବ୍ୟାଟିଂ କରି ୫୦ ଓଭରରେ ୮ ଉଇକେଟ ହରାଇ ୧୯୭ ରନ ସଂଗ୍ରହ କରିଥିଲେ । ଦଳ ପକ୍ଷରୁ ବିଭୁପଦ ଘୋଷ ୭୩ଟି ବଲ୍ରୁ ୫୨ ରନ ଓ ପବିତ୍ର ମହାନ୍ତି ୯୯ ଟି ବଲରୁ ୫୨ ରନ ସଂଗ୍ରହ କରିଥିଲେ । ବେଲାସୁଣି ପକ୍ଷରୁ ରୁଦ୍ର ବିଶ୍ୱାଳ ୭ ଓଭରରେ ୩୨ ରନ୍ ଦେଇ ୩ ଉଇକେଟ ଓ ନବ କିଶୋର ରାଉତ ୧୦ ଓଭରରେ ୪୬ରନ ଦେଇ ୨ ଉଇକେଟ ଦଖଲ କରିଥିଲେ । ଏହାର ଜବାବରେ ବେଲାସୁଣି କ୍ରିକେଟ୍ କ୍ଲବ ୪୪.୨ ଓଭରରେ ୮ ଉଇକେଟ୍ ବିନିମୟରେ ୧୯୯ ରନ କରି ମ୍ୟାଚ ଜିତି ଯାଇଥିଲେ । ଦଳ ପକ୍ଷରୁ ସୁଭମ ସାହୁ ୫୮ ବଲରୁ ୪୨ ରନ ଓ ରାହୁଲ ବିଶ୍ୱାଳ ୨୨ ବଲରୁ ୩୬ ରନ ସଂଗ୍ରହ କରିଥିଲେ । ବସ୍ତା ପକ୍ଷରୁ ସତ୍ୟଜିତ ରାମ ୧୦ ଓଭରରେ ୪୦ ରନ ଦେଇ ୩ ଉଇକେଟ ଓ ନିତ୍ୟ ପ୍ରିୟ ଦାସ ୧୦ ଓଭରରେ ୩୫ ରନ ଦେଇ ୨ଟି ଉଇକେଟ ନେଇଥଲେ । ଏହି ମ୍ୟାଚ୍କୁ ଅମ୍ପାୟାର ଅଶ୍ୱନି କୁମାର ସାମଲ ଓ ରାଜେସ ମହାପାତ୍ର ପରିଚାଳନା କରିଥିଲେ । ସେହିପରି ଏସ୍ ବି ସିମରନ ସ୍କୋରର ଥିଲେ । ବହୁ ଦର୍ଶକ ପଡ଼ିଆରେ ରହି ଏହି ଖେଳକୁ ଉପଭୋଗ କରିଥିଲେ । ସୂଚନା ଯେ, ଗୁରୁବାରର ଖେଳ ଜଗତ କ୍ରୀକେଟ ଏକାଡ଼େମୀ ଓ ନ୍ୟାସନାଲ କ୍ରିକେଟ୍ କ୍ଲବ ରେମୁଣା ମଧ୍ୟରେ ଅନୁଷ୍ଠିତ ହେବ ।
