ବାଲେଶ୍ୱର ଜିଲା କଂଗ୍ରେସର ସୋସିଆଲ ମିଡ଼ିଆ ବୈଠକ
ବାଲେଶ୍ୱର : ବାଲେଶ୍ୱର ଜିଲା କଂଗ୍ରେସ ତରଫରୁ ସ୍ଥାନୀୟ କଂଗ୍ରେସ କାର୍ଯ୍ୟାଳୟରେ ଜିଲା ସୋସିଆଲ ମିଡ଼ିଆ ସଭାପତି ଗୌତମ ସାହୁଙ୍କ ତତ୍ତ୍ୱାବଧାନରେ ଏବଂ ଜିଲା କଂଗ୍ରେସ ସଭାପତି ସଂଜୀବ ଗିରିଙ୍କ ଉପସ୍ଥିତିରେ ମଙ୍ଗଳବାର ଏକ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଜିଲା କଂଗ୍ରେସ ସଭାପତି ଶ୍ରୀ ଗିରି ସୋସିଆଲ ମିଡ଼ିଆ କର୍ମୀଙ୍କୁ ଗୁରୁ ମନ୍ତ୍ରଣା ଦେବା ସହିତ ଦୈନନ୍ଦିନ ଜୀବନରେ ବଢ଼ୁଥିବା ସୋସିଆଲ ମିଡ଼ିଆର ବହୁଳ ବ୍ୟବହାର ସମ୍ପର୍କରେ ବୁଝାଇବା ସହ ବିଜେଡ଼ି ସରକାରର ଅପାରଗତା ଓ ବିଜେପିର ମିଥ୍ୟା ପ୍ରଚାରକୁ ମୁହଁ ତୋଡ ଜବାବ ଦେବା ଏବଂ ଲୋକଙ୍କ ପାଖରେ ସତ୍ୟାସତ୍ୟ ପହଂଚାଇବା ପାଇଁ ଆହ୍ୱାନ ଦେଇଥିଲେ।
ଜିଲା ସୋସିଆଲ ମିଡ଼ିଆ ସଭାପତି ଶ୍ରୀ ସାହୁ ନିଜ ଦଳର ସନ୍ଦେଶକୁ ଲୋକଙ୍କ ନିକଟରେ ଅଧିକରୁ ଅଧିକ ପହଂଚାଇବା ଏବଂ ଆଞ୍ଚଳିକ ସ୍ତରରେ ହେଉଥିବା ଦୁର୍ନୀତି ସବୁର ପର୍ଦାଫାଶ କରିବା ଉପରେ ଅଧିକ ଗୁରୁତ୍ୱାରୋପ କରିଥିଲେ। ଅନ୍ୟମାନଙ୍କ ମଧ୍ୟରେ ରାଜ୍ୟ ଛାତ୍ର କଂଗ୍ରେସ ସାଧାରଣ ସମ୍ପାଦକ ରହିମତ ଅଲି ,ଜୀବନ ମହାପତ୍ର , ସୌରଭ ବେହେରା, ରାଧାକାନ୍ତ ସାହୁ,ସୌରଭ ପଟନାୟକ, ଆଦର୍ଶ ଗୌରବ ଦାସ, ରଞ୍ଜିତ ପ୍ରଧାନ,ନବପ୍ରସାଦ ଭୂୟାଁ, ମୁକ୍ତି ସରଙ୍ଗୀ ,ଆଶିଷ,ସତ୍ୟ,ଶୁଭଙ୍କର, ସନ୍ତୋଷ ପ୍ରମୁଖ ଉପସ୍ଥିତ ଥିଲେ । ଏହି ବୈଠକରେ ସାରା ଜିଲ୍ଲାର ପ୍ରତ୍ୟେକ ନିର୍ବାଚନମଣ୍ଡଳୀରୁ ସୋସିଆଲ ମିଡ଼ିଆ କର୍ମୀମାନେ ଯୋଗ ଦେଇଥିଲେ।
