ବାଲେଶ୍ୱର : ଫୁଟିଲା ଗୁଳି, ଜଣେ ମୃତ
ବାଲେଶ୍ୱର : ଦିନକୁ ଦିନ ଅଶାନ୍ତ ହେବାରେ ଲାଗିଛି ବାଲେଶ୍ୱର । ସାମାନ୍ୟ କଥାରେ ଫୁଟୁଛି ଗୁଳି, ଗଡୁଛି ମୁଣ୍ଡ । ଏହିଭଳି ଏକ ଘଟଣା ଆଜି ବାଲେଶ୍ୱର ଜିଲା ନୀଳଗିରି ମିତ୍ରପୁର ଅଞ୍ଚଳରେ ଦେଖିବାକୁ ମିଳିଛି । ଧାରଉଧାର ଟଙ୍କାକୁ ନେଇ ଏଭଳି ଗୁଳି ମାଡ଼ରେ ଜଣଙ୍କର ମୃତ୍ୟୁ ହୋଇଛି ।
ସୂଚନା ଯେ, ରେମୁଣା ଅଞ୍ଚଳର ସୁକାନ୍ତ ବେହେରାଙ୍କ ପୁଅ ପୂର୍ଣ୍ଣଚନ୍ଦ୍ର ଓରଫ ଦୀପୁ ନୀଳଗିରି ମିତ୍ରପୁର ଅଞ୍ଚଳରେ ଗ୍ୟାରେଜ କାମ କରୁଥିଲେ । ଗ୍ୟାରେଜରେ କାମ କରୁଥିବା ସମୟରେ କିଛି ଯୁବକ ଆସି ଗୁଳି ମାରି ତାଙ୍କୁ ହତ୍ୟା କରିଛନ୍ତି । ତେବେ ଟଙ୍କା ଧାର ଉଧାରକୁ ନେଇ ହତ୍ୟାକାଣ୍ଡ ଘଟିଥିବା କୁହାଯାଉଛି । ଘଟଣାସ୍ଥଳରେ ପୋଲିସ ପହଂଚି ମୃତଦେହ ଉଦ୍ଧାର ସହ ଅଧିକ ତଦନ୍ତ ଜାରି ରଖିଛି ।
