ବାଲେଶ୍ୱର : ଛେଳିକୁ ଗିଳିଲା ୧୦ ଫୁଟିଆ ଅଜଗର
ନୀଳଗିରି : ନୀଳଗିରି ଥାନା ଅଧିନ ବାଉଁସବଣିଆ ପଞ୍ଚାୟତ ଢୋଲପୁର ଗ୍ରାମରେ ଘଟିଯାଇଛି ଏକ ଅଭାବନୀୟ ଘଟଣା । ଚାହୁଁ ଚାହୁଁ ଏକ ଛେଳିକୁ ଗିଳିଲା ୧୦ ଫୁଟିଆ ଅଜଗର । ଏନେଇ ଲୋକେ ବନବିଭାଗକୁ ଖବର ଦେଇଥିଲେ । ବନବିଭାଗ ପକ୍ଷରୁ ଅଜଗରକୁ ଉଦ୍ଧାର କରାଯାଇ ନିକଟସ୍ଥ ଜଙ୍ଗଲରେ ଛଡ଼ାଯାଇଥିବାର ଜଣାପଡ଼ିଛି ।
ସୂଚନା ଯେ, ଉକ୍ତ ଗ୍ରାମର ରମାକାନ୍ତ ସିଂ ଶୁକ୍ରବାର ସକାଳ ୮ଟା ସମୟରେ ଛେଳି ଚରାଇବା ପାଇଁ ଯାଇଥିଲେ । ହେଲେ ନଟା ଭିତରୁ ହଠାତ୍ ଏକ ଅଜଗର ଏକ ଛେଳିକୁ ଆକ୍ରମଣ କରିଥିଲା । ରମାକାନ୍ତ ଏହା ଦେଖି ନିକଟସ୍ଥ ଗ୍ରାମରୁ ଲୋକମାନଙ୍କୁ ଡାକି ଏକତ୍ରିତ କଲା ବେଳକୁ ସାପଟି ଛେଳିଟିକୁ ସମ୍ପୂର୍ଣ୍ଣ ଭାବରେ ଗିଳିଦେଇଥିଲା । ଏନେଇ ସ୍ଥାନୀୟ ଲୋକେ କୁଲଡ଼ିହା ବନବିଭାଗକୁ ଅବଗତ କରାଇବାରୁ ବନ କର୍ମଚାରୀ ଘଟଣାସ୍ଥଳରେ ପହଞ୍ôଚ ସାପଟିକୁ ଉଦ୍ଧାର କରି କୁଲଡ଼ିହା ସଂରକ୍ଷିତ ଜଙ୍ଗଲରେ ନେଇ ଛାଡ଼ିଛନ୍ତି । ରମାକାନ୍ତଙ୍କୁ ବନ ବିଭାଗ କର୍ତ୍ତୃପକ୍ଷଙ୍କୁ କ୍ଷତି ପୂରଣ ଦେବା ନେଇ ସ୍ଥାନୀୟ ଲୋକେ ଦାବି କରିଛନ୍ତି ।
