ବୈଜୟନ୍ତ ପଣ୍ଡାଙ୍କ ବାରିପଦା ଗସ୍ତ ପ୍ରଧାନମନ୍ତ୍ରୀଙ୍କ ମନକି ବାତ କାର୍ଯ୍ୟକ୍ରମରେ ଯୋଗଦାନ
ବାରିପଦା : ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ମନ କି ବାତ କାର୍ଯ୍ୟକ୍ରମର ରାଷ୍ଟ୍ରୀୟ ପ୍ରମୁଖ ବୈଜୟନ୍ତ ପଣ୍ଡା ଆଜି ଦିନିକିଆ ବାରିପଦା ଗସ୍ତରେ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୯୯ ତମ ମନ କି ବାତ କାର୍ଯ୍ୟକ୍ରମ ରେ ଯୋଗ ଦେଇଛନ୍ତି । ସେ ଆଜି ଦିନ ୧୦ ଟା ସମୟରେ ରଜାବସା ସ୍ଥିତ ଅସ୍ଥାୟୀ ହେଲିପେଡ ପଡ଼ିଆରେ ହେଲିକପ୍ଟର ବିମାନ ଯୋଗେ ଅ୍ୱତରଣ କରି ବାରିପଦା ମହାରାଜପୁର ସ୍ଥିତ ବିଜେପି ଜିଲ୍ଲା କାର୍ଯ୍ୟଳୟରେ ଯୋଗ ଦେଇ ମନକିବାତ କାର୍ଯ୍ୟକ୍ରମରେ ଜଗଦେଇଥିଲେ । ଏହି ଅବସରରେ ବିଜେପି ଜିଲ୍ଲା କାର୍ଯ୍ୟଳୟରେ ଏକ ବୈଠକ ଅନୁଷ୍ଠିତ ହୋଇଥିବା ବେଳେ, ରାଷ୍ଟ୍ରହିତ ଏବଂ ସେବା କାର୍ଯ୍ୟରେ ନିଜର ସାଧନା ଜାରିରଖିଥିବା ବ୍ୟକ୍ତି ବିଶେଷ ଙ୍କୁ ସମ୍ବର୍ଦ୍ଧିତ କରିଥିଲେ । ଦିନ ୧୧ ବେଳକୁ ଶ୍ରୀଯୁକ୍ତ ପଣ୍ଡାଙ୍କ ସହ ବିଜେପିର କର୍ମକର୍ତା ମାନେ ଏକ ବଡ଼ ସ୍କ୍ରିନ୍ ଯୋଗେ ପ୍ରଧାନମନ୍ତ୍ରୀଙ୍କ ମନ କି ବାତ କାର୍ଯ୍ୟକ୍ରମକୁ ଦେଖିଥିଲେ । ବିଜେପି କାର୍ଯ୍ୟାଳୟରେ ବିଜେପିର ଜିଲ୍ଲା ସବାପତି କାନ୍ଦ୍ରା ସୋରେନ, ପୂର୍ବତନ ମନ୍ତ୍ରୀ ମହାରାଜା ପ୍ରବୀଣ ଚନ୍ଦ୍ର ଭଂଜଦେଓ, ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ସୁଜାତା ମୁର୍ମୁ, ପୂର୍ବତନ ଜିଲ୍ଲା ସଭାପତି ଡ. କୃଷ୍ଣଚନ୍ଦ୍ର ମହାପାତ୍ର ପ୍ରମୁଖଙ୍କ ସହିତ ସମଗ୍ର ଜିଲ୍ଲାରୁ ବିଜେପିର ବରିଷ୍ଠ ନେତା ମାନେ ଯୋଗ ଦେଇଥିଲେ ।
