ବାବା ଲଙ୍କେଶ୍ୱର ଆନ୍ତଜିଲା କ୍ରିକେଟ ଟୁର୍ନାମେଣ୍ଟ ଉଦ୍ଘାଟିତ
ଖଇରା : ବାଲେଶ୍ୱର ଜିଲା ଖଇରା ବ୍ଲକ ଅଧୀନ ଗଣ୍ଡିବେଡ ହାଇସ୍କୁଲ ପଡିଆରେ ଚାଲିଥିବା ବାବା ଲଙ୍କେଶ୍ୱର କ୍ରିକେଟ ଟୁର୍ନାମେଣ୍ଟର ୨କ୍ୱାର୍ଟର ମଧ୍ୟରୁ ଶୁକ୍ରବାରର ପ୍ରଥମ କ୍ୱାର୍ଟରରେ ବାଲେଶ୍ୱରର ଆଦର୍ଶ କ୍ରିକେଟ ଏକାଡେମୀ ଓ ଶନିବାର ଦିତୀୟ ଦିବସରେ କଟକର ଜୁଭେନାଇଲ କ୍ରିକେଟ ଏକାଡେମୀ ସେମି ଫାଇନାଲକୁ ଉନ୍ନିତ ହୋଇଛନ୍ତି । ଉଦ୍ଘାଟନୀ ଦିବସରରେ ବାଲେଶ୍ୱରର ଆଦର୍ଶ ଏକାଡେମୀ ଭୁବନେଶ୍ୱରର ସ୍ପାର୍ଟନ କ୍ରିକେଟ ଏକାଡେମୀକୁ ୮ଉଇକେଟରେ ପରାସ୍ତ କରିଥିଲା । ଶନିବାରର ଦ୍ୱିତୀୟ କ୍ୱାର୍ଟରରେ କଟକର ଜୁଭେନାଇଲ ଟିମ ବ୍ରହ୍ମପୁରର ଲିଡ କ୍ରିକେଟ କ୍ଲବକୁ ୬୮ରନରେ ପରାସ୍ତ କରିଥିଲା । ସାର୍ଥକରଞ୍ଜଶ୍ୱିଶ୍ୱାଳ ଓ ଦେବବ୍ରତ ଦାସ ଖେଳ ପରିଚାଳନା କରିଥିଲେ । ସୁଶାନ୍ତ ମହାପାତ୍ର ,ଉଦୟଭାନୁ ପତି ଓ ଅଭିମନ୍ୟୁ ରାଉଳ ଭାସ୍ୟକାର,କମଳାକାନ୍ତ ବେହେରା ଓ ଜନ୍ମେଜୟ ମହାକୁଡ ସ୍କୋରର ଦାୟିତ୍ୱ ତୁଲାଇଥିଲେ । ଏହି ଟୁର୍ନାମେଣ୍ଟକୁ ଖଇରା ବ୍ଲକ ଉପାଧକ୍ଷ ଗଜେନ୍ଦ୍ର ପରିଡା ଉଦ୍ଘାଟନ କରିଥିବା ବେଳେ ସରପଞ୍ଚ ପ୍ରତିନିଧି ବିଶ୍ୱଭୁଷଣ ପ୍ରଧାନ,ସମିତି ସଭ୍ୟ ପ୍ରତିନିଧି ରବିନ୍ଦ୍ର ମହାନ୍ତି,ମଧୁସୁଦନ ଜେନା ତଥା ଗଣ୍ଡିବେଡ ହାଇସ୍କୁଲର ଛାତ୍ରୀଛାତ୍ର ଓ ଶିକ୍ଷୟତ୍ରୀଶିକ୍ଷକ,ଗଣ୍ଡିବେଡ ବଜାରବାସୀ ଉପସ୍ଥିତ ଥିଲେ । ଫଟୋ-ଖଇରା୧-ବ୍ଲକ ଉପାଧକ୍ଷ ଖୈଳକୁ ଉଦ୍ଘାଟନ କରୁଛନ୍ତି ।
