କାଞ୍ଜିପାଣି ଘାଟିରେ ଓଲଟିଲା ଅଟୋ, ୩ ଗୁରୁତର
କେନ୍ଦୁଝର : କେନ୍ଦୁଝର କାଞ୍ଜିପାଣି ଘାଟିରେ ଅଘଟଣ । ଭାରସାମ୍ୟ ହରାଇ ଓଲଟିଲା ଅଟୋ । ଦୁର୍ଘଟଣା ଫଳରେ ୫ବର୍ଷର ଶିଶୁ ସମେତ ୩ ଜଣ ଗୁରୁତର । ସମସ୍ତ ଗୁରୁତରଙ୍କୁ ଉଦ୍ଧାର କରାଯାଏ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଯେ, କାଞ୍ଜିପାଣିକୁ ମେଡିକାଲରେ ସ୍ବାସ୍ଥ୍ୟ ପରୀକ୍ଷା ପାଇଁ ଯାଇ ତେଲକୋଇ ଥାନା ଅନ୍ତର୍ଗତ ପିଟାନାଳି ଗାଁକୁ ଫେରୁଥିବା ବେଳେ କାଞ୍ଜିପାଣି କୁସୁମ ଘାଟିରେ ଦୁର୍ଘଟଣା ଘଟିଛି । ଭାରସ୍ୟାମ ହରାଇ ରାସ୍ତା କଡ ଗାର୍ଡଓ୍ବାଲରେ ଅଟୋଟି ପିଟି ହୋଇଯାଇଥିଲା । ଫଳରେ ୫ବର୍ଷର ଶିଶୁ ଜିତେନ୍ଦ୍ର ଜୁଆଙ୍ଗଙ୍କ ସହ ଡ୍ରାଇଭର ବଳରାମ ଜୁଆଙ୍ଗ ଓ ଅନ୍ୟ ଜଣେ ଗୁରୁତର ହୋଇଥିଲେ । ସମସ୍ତ ଗୁରୁତରଙ୍କୁ ଅଗ୍ନିଶମ ବିଭାଗ କର୍ମଚାରୀ ଉଦ୍ଧାର କରି ତେଲକୋଇ ମେଡିକାଲରେ ଭର୍ତ୍ତି କରାଯାଇଥିଲା । ତେବେ ସେମାନଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ନହେବାରୁ ସେମାନଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
