ଦୀର୍ଘ ସମୟର ବିରତି ପରେ ଇଣ୍ଡଷ୍ଟ୍ରିକୁ ଫେରିଲେ ଅନୁଷ୍କା, ‘ଚକଦା ଏକ୍ସପ୍ରେସ’ରେ ସୁଟିଂ ଆରମ୍ଭ
ମୁମ୍ବାଇ : ଦୀର୍ଘ ସମୟର ବିରତି ପରେ ଅଭିନେତ୍ରୀ ଅନୁଷ୍କା ଶର୍ମା ପୁଣି ଥରେ ଇଣ୍ଡଷ୍ଟ୍ରିକୁ ଫେରିଛନ୍ତି । ବର୍ତ୍ତମାନ ଅନୁଷ୍କା ଶର୍ମାଙ୍କ ଏକ ବାୟୋପିକ୍ରେ ନଜର ଆସିବେ । ଅନୁଷ୍କା ଏହି ଫିଲ୍ମ ପ୍ରସିଦ୍ଧ ମହିଳା କ୍ରିକେଟର ଝୁଲନ ଗୋସ୍ୱାମୀଙ୍କ ଚରିତ୍ରରେ ଅଭିନୟ କରିଛନ୍ତି । ବହୁ ପ୍ରତୀକ୍ଷିତ ଫିଲ୍ମ ‘ଚକଦା ଏକ୍ସପ୍ରେସ’ରେ ସୁଟିଂ ଆରମ୍ଭ ହୋଇଛି। ନିକଟରେ ରିଲିଜ୍ ହୋଇଥିବା ଫିଲ୍ମର ପ୍ରଥମ ଲୁକ୍ ସହିତ ଏହି ସୂଚନା ଦିଆଯାଇଛି।
ଅନୁଷ୍କା ଶର୍ମାଙ୍କର ଶେଷ ଚଳଚ୍ଚିତ୍ର ଥିଲା ‘ଜିରୋ’, ଯେଉଁଥିରେ ସେ ଶାହାରୁଖ ଖାନଙ୍କ ବିପକ୍ଷରେ ନଜର ଆସିଥିଲେ । ଏହି ଚଳଚ୍ଚିତ୍ରଟି ୨୦୧୮ରେ ମୁକ୍ତିଲାଭ କରିଥିଲା । ଏହା ପରେ ଭାରତୀୟ ଦଳର କ୍ରିକେଟର ବିରାଟ କୋହଲିଙ୍କୁ ବିବାହ ପରେ ଏହା ଅଭିନେତ୍ରୀ ଇଣ୍ଡଷ୍ଟ୍ରୀରୁ ବିରତି ନେଇଥିଲେ । ଅନୁଷ୍କା ଶର୍ମାଙ୍କ ଏହି ଫିଲ୍ମ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିବ । ଫିଲ୍ମର ପ୍ରମୋରେ ଅନୁଷ୍କା କ୍ରିକେଟର ଝୁଲନ ଗୋସ୍ୱାମୀଙ୍କ ଭୂମିକାରେ ନଜର ଆସିଥିବା ବେଳେ ବଙ୍ଗାଳୀ ଭାଷାରେ ଡାଏଲଗ କହୁଥିବାର ନଜର ଆସିଥିଲେ । ତେବେ ମିଡିଆ ରିପୋର୍ଟ ଅନୁଯାୟୀ ମହିଳା କ୍ରିକେଟର ଝୁଲନ ଗୋସ୍ୱାମୀ ଜଣେ ଦ୍ରୁତ ବୋଲର ହୋଇ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ୱିକେଟ୍ ନେଇ ରେକର୍ଡ ରଖିଛନ୍ତି।
