ରବିନ୍ଦ୍ରନାଥ ଟାଗୋର ଭୂମିକାରେ ନଜର ଆସିବେ ଅନୁପମ୍ ଖେର, ଫାଷ୍ଟ ଲୁକ୍ ସେୟାର କରି ଫ୍ୟାନ୍ସଙ୍କୁ ଦେଲେ ସୂଚନା
ମୁମ୍ଵାଇ : ହିନ୍ଦୀ ସିନେମା ଜଗତର ଭେଟେରାନ ଅଭିନେତା ଅନୁପମ ଖେର ।ଏପର୍ଯ୍ୟନ୍ତ ପରଦାରେ ଏକରୁ ଅଧିକ ଚରିତ୍ରରେ ଅଭିନୟ କରିଛନ୍ତି। ତାଙ୍କର ଉଭୟ ଚଳଚ୍ଚିତ୍ର ଏବଂ ତାଙ୍କର କାମକୁ ଲୋକମାନେ ବହୁତ ପସନ୍ଦ କରନ୍ତି। ୬୮ ବର୍ଷ ବୟସରେ ମଧ୍ୟ ଅନୁପମ କ୍ରମାଗତ ଭାବରେ ବଡ ପରଦାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ନଜର ଆସିଛନ୍ତି। ଏବେ ତାଙ୍କର ଆଗାମୀ ଫିଲ୍ମ ଘୋଷଣା କରିଛନ୍ତି। ଯାହା ତାଙ୍କ ହୃଦୟର ଅତି ନିକଟରତ ଅଟେ ।
ଅନୁପମ ଖେରଙ୍କ ପାଖରେ ବର୍ତ୍ତମାନ ଅନେକ ଫିଲ୍ମ ଅଛି । ନିଜ ପ୍ରୋଜେକ୍ଟ ପାଇଁ ଲଗାତାର ସୁଟିଂରେ ବ୍ୟସ୍ତ ଅଛନ୍ତି। ଅନୁପମ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି। ଯାହା ସହିତ ସେ ତାଙ୍କର ଆଗାମୀ ଫିଲ୍ମ ବିଷୟରେ ମଧ୍ୟ ଘୋଷଣା କରିଛନ୍ତି। ସେୟାର ହୋଇଥିବା ଭିଡିଓଟି କଳା ଏବଂ ଧଳା ଅଟେ। ଯେଉଁଥିରେ ଅନୁପମ ଖେରଙ୍କୁ ରବିନ୍ଦ୍ରନାଥ ଟାଗୋର ଭାବରେ ଦେଖିବାକୁ ମିଳିବ। ଧଳା ରଙ୍ଗର କେଶ ଏବଂ ବଡ ଦାଢିରେ ଅନୁପମ ଖେରଙ୍କୁ ଚିହ୍ନିବା ଅତ୍ୟନ୍ତ କଷ୍ଟକର ହୋଇପଡୁଛି ।
ଏହି ଭିଡିଓ ସେୟାର କରି ଅନୁପମ ଖେର କ୍ୟାପସନରେ ଲେଖିଛନ୍ତି ଯେ ସେ ତାଙ୍କର ୫୩୮ ତମ ପ୍ରୋଜେକ୍ଟରେ ରବୀନ୍ଦ୍ରନାଥ ଟାଗୋର ଦେଖିବାକୁ ଯାଉଛନ୍ତି। ପରଦାରେ ରବୀନ୍ଦ୍ରନାଥ ଟାଗୋର ଭୂମିକାରେ ସୁଯୋଗ ମିଳିଛି। ଏହା ପରେ ସେ ଖୁବ ଶୀଘ୍ର ଫିଲ୍ମ ବିଷୟରେ ବାକି ତଥ୍ୟ ସେୟାର କରିବାକୁ କହିଛନ୍ତି। ଏହି ଭିଡିଓ ସାମ୍ନାକୁ ଆସିବା ପରେ ପ୍ରଶଂସକମାନେ ଅନୁପମ ଖେରଙ୍କ କାର୍ଯ୍ୟକୁ ପ୍ରଶଂସା କରିବାରେ ଲାଗିଛି । କହିବାକୁ ଗଲେ ଏହା ପ୍ରଥମ ଥର ନୁହେଁ ଯେ ଅନୁପମ ଖେର ପରଦାରେ ବାୟୋପିକରେ କାମ କରିବାକୁ ଯାଉଛନ୍ତି। ଏହାପୂର୍ବରୁ ସେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ବାୟୋପିକରେ ମଧ୍ୟ ଅଭିନୟ କରିଛନ୍ତି। ଯେଉଁଠାରେ ଭେଟେରାନ୍ ଅଭିନେତା ତାଙ୍କ କାର୍ଯ୍ୟ ପାଇଁ ଉଚ୍ଚ ପ୍ରଶଂସିତ ହୋଇଥିଲେ ।
