ବଣୁଆ ହାତୀ ଦଳିବାରୁ ବୃଦ୍ଧଙ୍କ ମୃତ୍ୟୁ
ବାଲେଶ୍ୱର : ବାଲେଶ୍ୱର ଜିଲା ଔପଦା ରେଞ୍ଜ ଅଧିନ ବେତେଇ ଗ୍ରାମରେ ରବିବାର ଜଣେ ବୃଦ୍ଧଙ୍କୁ ହାତୀ ଦଳି ଦେଇଥିବା ଜଣାପଡ଼ିଛି । ମୃତକ ଜଣକ ହେଲେ ମହେଶ୍ୱର ଦେଉରୀ (୭୦) ।
ସୂଚନା ଯେ, ମହେଶ୍ୱର ଜଙ୍ଗଲକୁ ଯାଇଥିବାବେଳେ କିଛି ହାତୀପଲ ତାଙ୍କୁ ଗୋଡ଼ାଇଥିଲେ । ହାତୀଙ୍କ ଆକ୍ରମଣରୁ ରକ୍ଷା ପାଇବା ପାଇଁ ସେ ଦଉଡ଼ିବା ଆରମ୍ଭ କରିଥିଲେ । କିଛିବାଟ ଦଉଡ଼ିବା ପରେ ସେ ତଳେ ପଡ଼ିଯାଇଥିଲେ । ଫଳରେ ଏକ ହାତୀ ତାଙ୍କୁ ଶୁଣ୍ଢରେ କଚାଡ଼ିବା ସହ ଗୋଡ଼ରେ ଦଳି ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ଖବର ପାଇ ଔପଦା ରେଞ୍ଜ ଓ କପ୍ତିପଦା ରେଞ୍ଜ କର୍ମଚାରୀମାନେ ପହଞ୍ôଚ ହାତୀକୁ ଘଉଡ଼ାଇବା ସହ ମୃତଦେହକୁ ଉଦ୍ଧାର କରିଥିଲେ ।
