ନୌଶେରା ସେକ୍ଟରର ନିୟନ୍ତ୍ରଣ ରେଖା ନିକଟରେ ବିସ୍ଫୋରଣ ଘଟି ୨ ଯବାନ ଆହତ
ରାଜୌରୀ : ରାଜୌରୀ ଜିଲ୍ଲାର ନୌଶେରା ସେକ୍ଟରର ନିୟନ୍ତ୍ରଣ ରେଖା ନିକଟରେ ହଠାତ୍ ଘଟିଥିବା ବିସ୍ଫୋରଣରେ ଭାରତୀୟ ସେନାର ଦୁଇଜଣ ଯବାନ ଆହତ ହୋଇଛନ୍ତି । ଆହତ ଦୁଇଜଣ ଯବାନଙ୍କ ଚିିକିତ୍ସା ପାଇଁ କମାନ ହସ୍ପିଟାଲ ଉଦ୍ଧମପୁରକୁ ସ୍ଥାନାନ୍ତରିତ କରାଯାଇଛି ।
ଶନିବାର ଦ୍ୱିପହର ପରେ ନୌସହରାର କଲାଲ ସେକ୍ଟରର ନିୟନ୍ତ୍ରଣ ରେଖା ନିକଟରେ ଅଚାନକ ବିସ୍ଫୋରଣ ଘଟିଥିଲା । ଏହି ବିସ୍ଫୋରଣ ସ୍ଥଳରେ ଉପସ୍ଥିତ ଥିବା ଦୁଇ ଜଣ ଯବାନ ଆହତ ହୋଇଥିଲେ । ଦୁଇଜଣ ଆହତ ଯବାନଙ୍କୁ ତୁରନ୍ତ ପାଖ ହସ୍ପିଟାଲକୁ ନିଆଯାଇଥିଲା । ତାଙ୍କର ଅବସ୍ଥା ଅତ୍ୟାନ୍ତ ଶୋଚନୀୟ ଥିବା ଦେଖି ଡାକ୍ତର ତାଙ୍କୁ ସେନାର କମାନ ହସ୍ପିଟାଲକୁ ଉନ୍ନତ ଚିକିତ୍ସା ପାଇଁ ସ୍ଥାନାନ୍ତରିତ କରିଥିଲେ । ବିସ୍ଫୋରଣରେ ଆହତ ହୋଇଥିବା ସୈନକଙ୍କ ପରିଚୟ ବର୍ତମାନ ସୁଦ୍ଧା ସାର୍ବଜନିକ କରାଯାଇନାହିଁ । ଏହି ବିଷୟରେ କେବଳ ଏହି ସୂଚନା ଗ୍ରହଣ କରାଯାଇଛି, ବିସ୍ତୃତ ବିବରଣୀକୁ ଅପେକ୍ଷା କରାଯାଇଛି ।
