ଭୁବନେଶ୍ୱରରୁ ଚେନ୍ନାଇକୁ ଏୟାରଲିଫ୍ଟ ହେଲା ଅମ୍ରିତ
![](https://thetruths.in/wp-content/uploads/2021/06/Amrit-Pradhan-1024x576.jpg)
ଭୁବନେଶ୍ୱର : ଭୁବନେଶ୍ୱରରୁ ଚେନ୍ନାଇକୁ ଏୟାରଲିଫ୍ଟ ହେଲେ ଅମ୍ରିତ ପ୍ରଧାନ । ଭୁବନେଶ୍ୱର ଏମ୍ସରେ ଚିକିତ୍ସିତ ହେଉଥିବା ବ୍ରହ୍ମପୁରର ଅମ୍ରିତଙ୍କୁ ଚେନ୍ନାଇ ସ୍ଥିତ ଆପୋଲୋକୁ ସ୍ୱତନ୍ତ୍ର ବିମାନରେ ସ୍ଥାନାନ୍ତର କରାଯାଉଛି । ଅମ୍ରିତଙ୍କୁ ଏୟାରଲିଫ୍ଟ କରିବା ପାଇଁ ଚେନ୍ନାଇ ଆପୋଲୋରୁ ୬ ଜଣିଆ ଡାକ୍ତରୀ ଦଳ ଆସିଥିଲେ । ପରେ ଗରୁବାର ଅପରାହ୍ନରେ ଗ୍ରୀନ୍ କରିଡ଼ର କରାଯାଇ ଏମ୍ସରୁ ବିମାନ ବନ୍ଦର ପର୍ଯ୍ୟନ୍ତ ଅଣାଯାଇଥିଲା । କରୋନା ଯୋଗୁଁ ଅମ୍ରିତଙ୍କର ଫୁସଫୁସ କିଛି ମାତ୍ରାରେ ନଷ୍ଟ ହୋଇଛି । ତା ସାଙ୍ଗକୁ ନିମୋନିଆ ଓ ସେପଟିସେମିଆରେ ପୀଡ଼ିତ ଅଛନ୍ତି । ଗତ ମାସ ୨ ତାରିଖରେ କୋଭିଡ ପଜିଟିଭ ଚିହ୍ନଟ ହେବା ପରେ ପରେ ସ୍ୱାସ୍ଥ୍ୟ ବିଗିଡିବାରେ ଲାଗିଥିଲା । ଗତ ୧୨ ତାରିଖରୁ ସେ ଭେଂଟିଲେଟରରେ ଅଛନ୍ତି । ସ୍ଥିତି ଜଟିଳ ହେବାରୁ ଅମ୍ରିତଙ୍କୁ ସ୍ଥାନାନ୍ତର କରିବା ପାଇଁ ଡାକ୍ତରୀ ଦଳ ପରାମର୍ଶ ଦେଇଥିଲେ । ଆବଶ୍ୟକ ପଡିଲେ ଫୁସଫୁସ ପ୍ରତିରୋପଣ ବି କରାଯାଇପାରେ । ଏଥିପାଇଁ ବହୁ ପରିମାଣର ଅର୍ଥ ଆବଶ୍ୟକ ଥିବାରୁ ସୋଶିଆଲ ମିଡିଆରେ ଅମ୍ରିତଙ୍କ ପାଇଁ ପାଣ୍ଠି ସଂଗ୍ରହ କରାଯାଉଛି ।
କରୋନା ଆକ୍ରାନ୍ତ ହୋଇ ଗୁରୁତର ଅଛନ୍ତି ୨୪ବର୍ଷୀୟ ଅମ୍ରିତ ପ୍ରଧାନ। ପରିବାରର ଅନ୍ୟମାନେ ସଂକ୍ରମିତ ହେବା ପରେ ସଂକ୍ରମିତ ହୋଇଥିଲେ ଅମ୍ରିତ। ବାପାମା’ କରୋନାରୁ ସୁସ୍ଥ ହୋଇଥିଲେ ବି ଅମ୍ରିତ ଗୁରୁତର ହୋଇପଡ଼ିଥିଲେ। ନିମୋନିଆ ଏବଂ ସେଫ୍ଟିସେମିଆରେ ପୀଡ଼ିତ ହୋଇପଡ଼ିଥିଲେ ଅମ୍ରିତ। ଅମ୍ରିତଙ୍କ ଫୁସଫୁସ ମଧ୍ୟ ଅନେକାଂଶରେ କ୍ଷତିଗ୍ରସ୍ତ ହୋଇପଡ଼ିଥିଲା। ଜରୁରୀ ଚିକିତ୍ସା ପାଇଁ ମେସିନ ଦରକାର ଥିଲେ ବି ଅଭାବ ପଡ଼ିଥିଲା। ଭୁବନେଶ୍ବର ଏମ୍ସରେ ଇସିଏମଓ ନ ଥିବାରୁ ଚେନ୍ନାଇ ପଠାଯିବା ଜରୁରୀ ଥିଲା। ଚେନ୍ନାଇରେ ଚିକିତ୍ସା ପାଇଁ ୧କୋଟିରୁ ଅଧିକ ଅର୍ଥ ଦରକାର ପଡୁଥିଲା। ବିପୁଳ ପରିମାଣର ଅର୍ଥ ଦେବାକୁ ପରିବାର ଲୋକେ ସକ୍ଷମ ନ ଥିଲେ। ସାରା ଦେଶବାସୀଙ୍କୁ ଅନଲାଇନରେ ସହାୟତା ମାଗିଥିଲେ ଅମ୍ରିତଙ୍କ ଭଉଣୀ ମନିଷା ପ୍ରଧାନ। ଏବେ ଦେଶର ବିଭିନ୍ନ ବର୍ଗର ଲୋକେ ସହାୟତା ପଠାଉଛନ୍ତି ବୋଲି ମନିଷା ସୂଚନା ଦେଇଛନ୍ତି। ଏବେ ଅମ୍ରିତଙ୍କୁ ଚେନ୍ନାଇ ପଠାଯାଇଥିବାବେଳେ ପରିବାର ଲୋକେ ସାହାଯ୍ୟ ନିବେଦନ କରିଛନ୍ତି।