ବିଜୟ ପରେ ଟ୍ୱିଟ୍ କରି ଭାଗୱନ୍ତଙ୍କୁ ମାନଙ୍କୁ ଅଭିନନ୍ଦନ ଜଣାଇଲେ କେଜ୍ରିୱାଲ
ନୂଆଦିଲ୍ଲୀ : ଆଜି ଦେଶର ୫ଟି ବିଧାନସଭା ନିର୍ବାଚନର ଭୋଟ ଗଣତି ଚାଲିଛି । ତେବେ ପଞ୍ଜାବରେ ଆମ ଆଦମୀ ପାର୍ଟି (ଆପ) ଚଳିତ ନିର୍ବାଚନରେ ଇତିହାସ ରଚିବାକୁ ଯାଉଛି । ଏକଜିଟ୍ ପୋଲର ପୂର୍ବାନୁମାନକୁ ସତ ପ୍ରମାଣିତ କରିଛି ଆପ । ତେବେ ଚଳିତ ନିର୍ବାଚନରେ ବହୁ ହେଭିୱେଟ ଧୂଳି ଚାଟିଥିବା ବେଳେ ବିଜୟ ହାସଲ କରିଛନ୍ତି ଆପର ମୁଖ୍ୟମନ୍ତ୍ରୀ ପ୍ରାର୍ଥୀ ଭାଗୱନ୍ତ ମାନ । ଏହି ବିଜୟ ପରେ ଦଳର ସୁପ୍ରିମୋ ଅରବିନ୍ଦ କେଜ୍ରିୱାଲ ଖୁସି ଥିବାବେଳେ ଟ୍ୱିଟ୍ କରି ଭାଗୱନ୍ତଙ୍କୁ ମାନଙ୍କୁ ଅଭିନନ୍ଦନ ଜଣାଇଛନ୍ତି ।
ଆମ ଆଦମୀ ପାର୍ଟିକୁ ସମର୍ଥନ କରିଥିବାରୁ ସେ ପଞ୍ଜାବର ଲୋକଙ୍କୁ ଟ୍ୱିଟ୍ ଯୋଗେ ଧନ୍ୟବାଦ ଜଣାଇଛନ୍ତି। କେଜ୍ରିୱାଲ ପଞ୍ଜାବରେ ଆପର ମୁଖ୍ୟମନ୍ତ୍ରୀ ପ୍ରାର୍ଥୀ ଭଗଓ୍ବନ୍ତ ମନଙ୍କ ସହ ଏକ ଫଟୋ ଶେୟାର କରି କହିଛନ୍ତି, ଏହି ଇନକଲାବ ପାଇଁ ପଞ୍ଜାବବାସୀଙ୍କୁ ଅନେକ ଅନେକ ଅଭିନନ୍ଦନ। ଚଳିତ ବିଧାନସଭା ନିର୍ବାଚନରେ ଭାଗୱନ୍ତ ଧୁରି ଆସନରୁ ନିର୍ବାଚନ ଲଢ଼ୁଥିଲେ । ସେ ତାଙ୍କର ନିକଟତମ ପ୍ରତିଦ୍ୱନ୍ଦୀ କଂଗ୍ରେସର ଦଲବୀର ସିଂହ ଗୋଲ୍ଡିଙ୍କୁ ୫୦ ହଜାରରୁ ଅଧିକ ଭୋଟ ବ୍ୟବଧାନରେ ପରାସ୍ତ କରିଛନ୍ତି । ଗତ ୨୦୧୨ ମସିହାଠାରୁ ଏହି ସିଟଟି କଂଗ୍ରେସ ନିକଟରେ ରହିଥିଲା । ସେପଟେ ପଞ୍ଜାବାସୀଙ୍କୁ ଅଭନନ୍ଦନ ଜଣାଇବା ସହ ଆଗାମୀ ଦିନରେ ଦେଶ ପାଇଁ ଇନମଲାବ ବୋଲି କହିଛନ୍ତି ଅରବିନ୍ଦ କେଜ୍ରୱାଲ ।
