ବ୍ୟବସାୟୀଙ୍କୁ ଗୁଳି ମାଡ଼ ପରେ ସୁନା ଲୁଟି ନେଲେ ଦୁର୍ବୃତ୍ତ
ଫୁଲବାଣୀ: କନ୍ଧମାଳ ଜିଲା ବାଲିଗୁଡ଼ା ନେହରୁ ଛକ ଠାରେ ସୁନା ବ୍ୟବସାୟୀଙ୍କୁ ଗୁଳିମାଡ଼ କରି ଦୁର୍ବୃତ୍ତମାନେ ସୁନା ଲୁଟି ନେଇଛନ୍ତି । ଘଟଣାକୁ ନେଇ ସ୍ଥାନୀୟ ଅଂଚଳରେ ଉତ୍ତେଜନା ଦେଖା ଦେଇଥିଲା ।
ସୂଚନା ଯେ, ମଙ୍ଗଳବାର ପୂର୍ବାହ୍ନରେ ବାଲିଗୁଡ଼ା ନୂଆ ସାହିର ବ୍ୟବସାୟୀ ସୁବାସ ଆଚାରୀ ଦୋକାନ ଖୋଲିଥିଲେ। ଏକ ବାଇକରେ ଆସିଥିବା ତିନି ଜଣ ଦୁର୍ବୃତ୍ତ ସୁନା ବେପାରୀଙ୍କ ଉପରେ ଗୁଳି ଚଳାଇବା ସହ ତାଙ୍କୁ ଗୁରୁତର କରି ସୁନା ଲୁଟି ନେଇଥିଲେ। ଗୁରୁତର ସୁବାସଙ୍କୁ ଉଦ୍ଧାର ପରେ ବାଲିଗୁଡ଼ା ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଏହି ଘଟଣା ପ୍ରତିବାଦରେ ସ୍ଥାନୀୟ ବ୍ୟବସାୟୀମାନେ ରାସ୍ତାରୋକ କରିଥିଲେ। ଘଟଣାସ୍ଥଳରେ ବାଲିଗୁଡ଼ା ଥାନା ପୋଲିସ ପହଞ୍ଚି ତଦନ୍ତ ଚଳାଇଛି।
