ଜାତୀୟ ସ୍ତରୀୟ ପାୱାର ୱେଟ୍ ଲିଫଟିଙ୍ଗ ପ୍ରତିଯୋଗୀତାରେ ହାଇଲାଣ୍ଡ ହେଲଥ ହବ୍ ରେ ପ୍ରଶିକ୍ଷିତ ପାୱାର ଲିଫ୍ଟର୍ ମାନଙ୍କର କୃତିତ୍ୱ
ବାଲେଶ୍ବର : ଜାତୀୟ ଏବଂ ରାଜ୍ୟ ସ୍ତରୀୟ ପାୱାର ୱେଟ୍ ଲିଫଟିଙ୍ଗ ପ୍ରତିଯୋଗୀତାରେ ବାଲେଶ୍ୱର ଓ. ଟି ରୋଡ଼ ଲକ୍ଷ୍ମୀନାରାୟଣ ମନ୍ଦିର ନିକଟସ୍ଥ ହାଇଲାଣ୍ଡ ହେଲଥ ହବ୍ ରେ ପ୍ରଶିକ୍ଷଣ ନେଉଥିବା ପାୱାର ଲିଫ୍ଟର୍ ମାନେ କୃତିତ୍ୱ ଅର୍ଜନ କରିଛନ୍ତି । ଏହି ଅବସରରେ କୃତିତ୍ୱ ଅର୍ଜନ କରିଥିବା ପାୱାର ଲିଫ୍ଟର୍ ମାନଙ୍କୁ ହାଇଲାଣ୍ଡ ଗ୍ରୁପ୍ ଅଫ୍ କମ୍ପାନୀର ପରିଚାଳନା ନିର୍ଦ୍ଦେଶକ ଶ୍ରୀ ପ୍ରତୀକ ଜେନା ସମ୍ବର୍ଦ୍ଧିତ କରିବା ସହିତ ସେମାନଙ୍କର ଉତ୍ତରୋତ୍ତର ଉନ୍ନତି କାମନା କରିଥିଲେ । ଉଲ୍ଲେଖଯୋଗ୍ୟ ଯେ ଗତ ଅକ୍ଟୋବର ୧୨ ରୁ ୧୬ ତାରିଖ ମଧ୍ୟରେ ମହାରାଷ୍ଟ୍ରର ଭଦ୍ରାବତୀ ଠାରେ ଅନୁଷ୍ଠିତ ହୋଇଥିବା ୫୯ କେଜି ବର୍ଗ ପ୍ରତିଯୋଗିତାରେ ହାଇଲାଣ୍ଡ ହେଲଥ ହବ୍ ର ପାୱାର ଲିଫ୍ଟର୍ ସୁଜିତ କୁମାର ଗିରି ସିଲଭର ମେଡାଲ ହାସଲ କରିଛନ୍ତି। ଏଥି ସହିତ ବାଲେଶ୍ବର ଠାରେ ‘ୟା ଅଲ୍ଲି କ୍ଲବ୍’ ପକ୍ଷରୁ ଚଳିତ ମାସ ୬ ତାରିଖରେ ଅନୁଷ୍ଠିତ ହୋଇଥିବା ରାଜ୍ୟ ସ୍ତରୀୟ ୭୦ କେଜି ବର୍ଗର ପାୱାର ଲିଫ୍ଟଙ୍ଗ ପ୍ରତିଯୋଗିତାରେ ଏହି ମଲ୍ଟି ଜିମ୍ ର ପ୍ରଶିକ୍ଷକ ସଞ୍ଜିତ ବେହେରା ପ୍ରଥମ ସ୍ଥାନ ହାସଲ କରିଥିବା ବେଳେ ୭୦ କେଜିରୁ ଅଧିକ ବର୍ଗରେ ଯଥାକ୍ରମେ ପ୍ରଦୀପ କୁମାର ସୁର ପ୍ରଥମ ଏବଂ କରୁଣାକର ସାହୁ ତୃତୀୟ ସ୍ଥାନ ହାସଲ କରିବା ସହିତ ହାଇଲାଣ୍ଡ ହେଲଥ ହବ୍ ତଥା ବାଲେଶ୍ବର ପାଇଁ ଗୌରବ ଆଣିଛନ୍ତି।
