ଆଚାର୍ଯ୍ୟ ଚାଣକ୍ୟଙ୍କ ମତରେ ସକାଳୁ ଶୀଘ୍ର ଉଠି କରନ୍ତୁ ଏହିସବୁ କାର୍ଯ୍ୟ, ଖୁବଶୀଘ୍ର ବଦଳିଯିବ ଭାଗ୍ୟ
ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଗ୍ରନ୍ଥରେ ଅନେକ ଉପଦେଶ ଦେଇଛନ୍ତି। ଆଜିର ଆଧୁନିକ ଯୁଗରେ ମନୁଷ୍ୟ ନିଜ ଜୀବନକୁ ସରଳ ଓ ସରଳ କରିବା ପାଇଁ ଚାଣକ୍ୟ ନୀତିକୁ ଆପଣେଇ ଥାଆନ୍ତି। ଏହି ନୀତି ଗ୍ରନ୍ଥରେ ମନୁଷ୍ୟ ନିଜ ଜୀବନରେ ସଫଳତା ହାସଲ କରିବା ପାଇଁ ଅନେକ ପରାମର୍ଶ ଦିଆଯାଇଛି। ଆଚାର୍ଯ୍ୟ ଚାଣକ୍ୟଙ୍କ ଦ୍ୱାରା କୁହାଯାଇଥିବା ଉପଦେଶକୁ ”ଚାଣକ୍ୟ ନୀତି” ବୋଲି ମଧ୍ୟ କୁହାଯାଏ। ଆଜି ଆମେ ଆପଣଙ୍କୁ କିଛି ଖାସ କାର୍ଯ୍ୟ ବିଷୟରେ କହିବାକୁ ଯାଉଛୁ, ଯାହାକୁ ସକାଳୁ ଉଠି ନିଶ୍ଚିତ ଭାବରେ କରିବା ଉଚିତ। ଫଳରେ ଖୁବଶୀଘ୍ର ବଦଳିଯିବ ଆପଣଙ୍କ ଭାଗ୍ୟ। ତେବେ ଆସନ୍ତୁ ସେହି ବିଷୟରେ ବିସ୍ତାର ରୂପରେ ଜାଣିବା।
ସକାଳୁ ଶୀଘ୍ର ଉଠିବା :
ଗୁରୁଜନ ମାନେ ସର୍ବଦା କହିଛନ୍ତି ସକାଳୁ ଶୀଘ୍ର ଉଠିବା ଉଚିତ ଏବଂ ରାତିରେ ଶୀଘ୍ର ଶୋଇବା ଉଚିତ। ଏହାଦ୍ୱାରା ଶରୀର ସୁସ୍ଥ ରହିଥାଏ ଏବଂ ସକାରାତ୍ମକ ଚିନ୍ତାଧାରା ମନରେ ଆସିଥାଏ।ସକାଳୁ ଶୀଘ୍ର ଉଠିବା ଦ୍ୱାରା ଶରୀରରେ ସକାରାତ୍ମକ ଊର୍ଜା ମଧ୍ୟ ସୃଷ୍ଟି ହୋଇଥାଏ।ଏହାଦ୍ୱାରା ଆପଣଙ୍କୁ ଆଳସ୍ୟ ଅନୁଭବ ହେବ ନାହିଁ। ପ୍ରତ୍ୟେକ ସଫଳ ବ୍ୟକ୍ତି ସକାଳୁ ଶୀଘ୍ର ଉଠିଥାନ୍ତି। ସକାଳୁ ଉଠିବା ଦ୍ୱାରା ମାନସିକ ଓ ଶାରିରୀକ ଶାନ୍ତି ପ୍ରାପ୍ତ ହୋଇଥାଏ।
ଯୋଜନା ପ୍ରସ୍ତୁତ କରନ୍ତୁ :
ସକାଳୁ ଉଠି ଆପଣ ନିଜର ଦୈନନ୍ଦିନ କାର୍ଯ୍ୟ କରିବା ପାଇଁ ଯୋଜନା ପ୍ରସ୍ତୁତ କରନ୍ତୁ। ଆପଣ ନିଜ ଜୀବନରେ ଯୋଜନା ପ୍ରସ୍ତୁତ କରି କାର୍ଯ୍ୟ କରନ୍ତୁ, ଏହାଦ୍ୱାରା ଆପଣ ନିଜ ଲକ୍ଷ୍ୟସ୍ଥଳରେ ଖୁବ୍ ଶୀଘ୍ର ପହଞ୍ଚି ପାରିବେ। ଆଜି ପର୍ଯ୍ୟନ୍ତ ଯୋଜନା ପ୍ରସ୍ତୁତ ନକରି କାର୍ଯ୍ୟ କରିଥିବା ଲୋକେ ସଫଳ ହୋଇ ପାରି ନାହାଁନ୍ତି। ତେଣୁ ନିଜ ଜୀବନର ଲକ୍ଷ୍ୟ ଆଡ଼କୁ ଅଗ୍ରସର ହେଉଥିଲେ ପ୍ରଥମେ ସଠିକ ଯୋଜନା ପ୍ରସ୍ତୁତ କରନ୍ତୁ। ଦେଖିବେ ଏଭଳି କରିବା ଦ୍ୱାରା ଆପଣଙ୍କୁ ସଫଳତା ହାସଲ କରିବା ପାଇଁ କେହି ମଧ୍ୟ ରୋକି ପାରିବେ ନାହିଁ।
ସ୍ବାସ୍ଥ୍ୟ ଉପରେ ରଖନ୍ତୁ ଧ୍ୟାନ :
ପ୍ରତ୍ୟେକ ବ୍ୟକ୍ତିଙ୍କୁ ନିଜ ସ୍ବାସ୍ଥ୍ୟକୁ ପ୍ରାଥମିକତା ଦେବା ଉଚିତ। ଶରୀର ସୁସ୍ଥ ରହିଲେ ଆପଣ ନିଜର ଲକ୍ଷ୍ୟ ହାସଲ କରି ପାରିବେ ଏବଂ ଦେଶର ମଧ୍ୟ ସେବା କରି ପାରିବେ। ତେଣୁ କୁହାଯାଇଛି କି ଶରୀର ହେଉଛି ଆମର ପ୍ରଥମ ଜୀବନସାଥୀ। ଶରୀର ହେଉଛି ଈଶ୍ବରଙ୍କ ଦାନ। ତେଣୁ ଶରୀର ଉପରେ ସର୍ବଦା ବିଶେଷ ରୂପରେ ଧ୍ୟାନ ଦେବା ଆବଶ୍ୟକ। ଶରୀର ସୁସ୍ଥ ରହିଲେ ଆପଣ ମାନସିକ ରୂପରେ ମଧ୍ୟ ସୁଦୃଢ ରହି ପାରିବେ।
