ମହୁଲ ସଂଗ୍ରହ ପାଇଁ ଯାଇ ଭାଲୁ ଆକ୍ରମଣରେ ଯୁବକ ଗୁରୁତର
ନୂଆପଡ଼ା : ନୂଆପଡ଼ା ରେଞ୍ଜ୍ ଦଲିମୁଣ୍ଡା ଗ୍ରାମରେ ଅଘଟଣ। ଭାଲୁ ଆକ୍ରମଣରେ ଯୁବକ ଗୁରୁତର । ଗୁରୁତର ଯୁବକ ଜଣଙ୍କ ହେଲେ ମହେଶ ରାଉତ । ତାଙ୍କୁ ନୂଆପଡ଼ା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଯେ, ନୂଆପଡ଼ା ରେଞ୍ଜ୍ ଦର୍ଲିମୁଣ୍ଡା ଗ୍ରାମର ମହେଶ ସକାଳୁ ମହୁଲ ସଂଗ୍ରହ କରିବା ପାଇଁ ବିଲକୁ ଯାଇଥିଲେ । ଏହି ସମୟରେ ତାଙ୍କୁ ଦୁଇଟି ଭାଲୁ ଆକ୍ରମଣ କରିଥିଲା । ମହେଶଙ୍କ ବାପା ଓ ଅନ୍ୟମାନେ ପାଟି କରିବାରୁ ମା’ ଓ ଛୁଆ ଭାଲୁ ଜଙ୍ଗଲ ମୁହାଁ ହୋଇଥିଲେ । ମହେଶଙ୍କୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ ଯୋଗେ ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମହେଶଙ୍କ ଡାହାଣ ଗୋଡ, ହାତ ଓ ମୁହଁରେ କ୍ଷତ ହୋଇଛି ।
