ବାଲେଶ୍ୱର : ବାଇକ୍କୁ ପଛପଟୁ ଧକ୍କା ଦେଲା ଟ୍ରକ୍, ମା’-ଝିଅ ମୃତ ଓ ବାପା-ପୁଅ ଆହତ
ବାଲେଶ୍ୱର : ବାଲେଶ୍ୱର ୬୦ନଂ. ଜାତୀୟ ରାଜପଥର ସଦର ବ୍ଲକ ଅନ୍ତର୍ଗତ ହଳଦୀପଦା ଗେମନ ବ୍ରିଜ୍ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ବାଇକ୍କୁ ପଛପଟୁ ଧକ୍କା ଦେଲା ଟ୍ରକ୍ । ଫଳରେ ଘଟଣାସ୍ଥଳରେ ମା’ ଓ ଝିଅଙ୍କର ମୃତ୍ୟୁ ହୋଇଥିବା ବେଳେ ବାପ ଓ ପୁଅ ଆହତ ହୋଇ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଅନ୍ୟପକ୍ଷରେ ଦୁର୍ଘଟଣା ପରେ ଟ୍ରକ୍ଟି ଘଟଣାସ୍ଥଳରୁ ଫେରାର ହୋଇଯାଇଛି ।
ସୂଚନା ଯେ, ସଦର ଥାନା ଅନ୍ତର୍ଗତ ଟୁଲଙ୍କସାହି ଅଞ୍ଚଳର ଦେବଦତ୍ତ ମହାପାତ୍ର ସୋମବାର ସକାଳେ ସ୍ତ୍ରୀ ରେଣୁକା, ପୁଅ ଓ ଝିଅ ହିମାଂଶୀଙ୍କୁ ନେଇ ରୂପ୍ସା ଥାନା ଜାମୁନିଆ ଗ୍ରାମର ଶ୍ୱଶୁର ଘରକୁ ବୁଲିବା ପାଇଁ ଯାଇଥିଲେ । ଦ୍ୱିପ୍ରହରରେ ଖିଆପିଆ ସାରି ଅପରାହ୍ନରେ ବାଇକ୍ (ନଂ. ଓଡ଼ି୦୧-୪୬୯୯) ଯୋଗେ ୪ଜଣ ଘରକୁ ଫେରୁଥିଲେ । ମାତ୍ର ଗେମନ ବ୍ରିଜ୍ ଠାରେ ବାଇକ୍ ପଛପଟୁ ଏକ ଅଜଣା ଟ୍ରକ୍ ବାଇକ୍କୁ ଧକ୍କା ଦେଇଥିଲା । ଏଥିରେ ବାଇକ୍ର ଡାହାଣ ପାଶ୍ୱର୍କୁ ମା’ ଓ ଝିଅ ଛିଟ୍କି ପଡ଼ିଥିବା ବେଳେ ବାମପାଶ୍ୱର୍କୁ ବାପା ଓ ପୁଅ ପଡ଼ି ଯାଇଥିଲେ । ଫଳରେ ମା’ ଓ ଝିଅଙ୍କ ଉପରେ ଟ୍ରକ୍ଟି ମାଡ଼ି ଯିବାରୁ ଘଟଣାସ୍ଥଳରେ ସେମାନଙ୍କର ମୃତ୍ୟୁ ହୋଇଥିଲା । ଘଟଣାସ୍ଥଳରେ ହଳଦୀପଦା ଫାଣ୍ଡି ଅଧିକାରୀ ବଦ୍ରିଶଙ୍କର ଷେଣ୍ଢ ପହଞ୍ôଚ ରାଜପଥ ଆମ୍ବୁଲାନ୍ସ ଯୋଗେ ଆହତ ବାପ ଓ ପୁଅ ଏବଂ ମୃତ ମା’ ଓ ଝିଅଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ଟ୍ରକ୍ଟି ଫେରାର ହୋଇଯାଇଥିବା ବେଳେ ଆଇଆଇସି ଅଶୋକ କୁମାର ନାୟକ ପହଞ୍ôଚ ତଦନ୍ତ ଜାରି ରଖିଛନ୍ତି ।
