କୋରାପୁଟରେ ପହଞ୍ଚିଲା ବିଶାଖାପାଟଣା-କୋରାପୁଟ ଭିଷ୍ଟାଡୋମ କୋଚ ଯୁକ୍ତ ଟ୍ରେନ
କୋରାପୁଟ : ଓଡିଶାର ପ୍ରଥମ ଭିଷ୍ଟାଡୋମ କୋଚ (Vistadome coach) ସହ ବିଶାଖାପାଟଣା-କୋରାପୁଟ ରେଳଗାଡି କୋରାପୁଟରେ ପହଞ୍ଚିବା ପରେ କୋରାପୁଟବାସୀଙ୍କ ତରଫରୁ ଏହି ରେଳଗାଡିକୁ ଜୋରଦାର ସ୍ବାଗତ କରାଯାଇଛି।
ସୋମବାର ସକାଳ ୭ ଟାବେଳେ ବିଶାଖାପାଟଣାରୁ ବାହାରିଥିବା ଏହି ରେଳଗାଡି ରାୟଗଡା ଦେଇ ଅପରାହ୍ନ ୪ଟା ବେଳେ ପହଞ୍ଚିଥିଲା। ଏହି ରେଳଗାଡି ସବୁଦିନ କୋରାପୁଟ ଓ ବିଶାଖାପାଟଣା ମଧ୍ୟରେ ଚାଲିଥିବା ବେଳେ ସପ୍ତାହରେ ତିନିଦିନ ଏହି ସ୍ବତନ୍ତ୍ର କୋଚରେ ପର୍ଯ୍ୟଟକ ରାୟଗଡା ଓ କୋରାପୁଟ ମଧ୍ୟରେ ଥିବା ରେଳ ଟନେଲ ତଥା ପାର୍ଶ୍ଵବର୍ତ୍ତୀ ପ୍ରାକୃତିକ ସୌନ୍ଦର୍ଯ୍ୟର ଆନନ୍ଦ ନେବାର ସୁଯୋଗ ପାଇପାରିବେ ବୋଲି କୋରାପୁଟ ରେଳଷ୍ଟେସନର ପରିଚାଳକ ନରେନ୍ଦ୍ର ଭତରିଆ ସୂଚନା ଦେଇଛନ୍ତି।
