ଏକ ଦିବସୀୟ ବିଜ୍ଞାନ ମେଳା ଉଦ୍ଯାପିତ
ବସ୍ତା : ବସ୍ତା ବିବେକାନନ୍ଦ ଶିକ୍ଷାକେନ୍ଦ୍ରରେ ଏକ ଦିବସୀୟ ବିଜ୍ଞାନ ମେଳା ବୁଧବାର ଅପରାହ୍ନରେ ଉଦ୍ଯାପିତ ହୋଇଯାଇଛି । କାର୍ଯ୍ୟକ୍ରମକୁ ଶମ୍ଭୁନାଥ ହାଇସ୍କୁଲର ପୂର୍ବତନ ପ୍ରଧାନଶିକ୍ଷକ ଗଗନ ବିହାରୀ ଜେନା ପତାକା ଉତ୍ତୋଳନ କରି ଶୁଭାରମ୍ଭ କରିଥିଲେ । ଛାତ୍ରୀଛାତ୍ରଙ୍କ ବିଭିନ୍ନ ପ୍ରକଳ୍ପକୁ ବିଚାରକ ଅରବିନ୍ଦ ପାତ୍ର ଓ ପୂର୍ଣ୍ଣିମା ଜେନା ପରିଦର୍ଶନ କରିଥିଲେ ।
ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଉତ୍କଳ ଶିକ୍ଷା ପରିଷଦର ସମ୍ପାଦକ ଯୋଗେନ୍ଦ୍ର ଦାଶ, ଶ୍ୟାମାପ୍ରସାଦ ବେହେରା, ସୁରଜ ବାରିକ, ସୁଧାଂଶୁ ଶେଖର ପାଞ୍ଜା, ରାମଚନ୍ଦ୍ର ଦେବ, ପ୍ରଦୀପ କୁମାର ପରିଡ଼ା, ମାନଗୋବିନ୍ଦ ମହାନ୍ତି ପ୍ରମୁଖ ବକ୍ତବ୍ୟ ରଖିବା ସହ ଛାତ୍ରୀଛାତ୍ରଙ୍କୁ ପୁରସ୍କୃତ କରିଥିଲେ । ପ୍ରଧାନାଚାର୍ଯ୍ୟ ଶ୍ରୀପତି ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ବିବରଣୀ ପାଠ କରିଥିଲେ ରଞ୍ଜିତା ପାଢୀ । ଅତିଥି ପରିଚୟ କରିଥିଲେ ନମିତା ଦାସ । ଧନ୍ୟବାଦ ଅର୍ପଣ କରିଥିଲେ ସୁଚିସ୍ମିତା ସାହୁ । କାର୍ଯ୍ୟକ୍ରମ ପରିଚାଳନା କରିଥିଲେ ପ୍ରଶାନ୍ତ ଗିରି ଓ ସରୋଜ ପାତ୍ର । ପୁରସ୍କୃତ ହୋଇଥିବା ଛାତ୍ରଛାତ୍ରୀ ହେଲେ ମହାବୀର ପରିଡ଼ା, ସାଗର ଭୋଳ, ଅରବିନ୍ଦ ବେହେରା, ଅଭିଜିତ ଯେନା, ପ୍ରତୀକ୍ଷା ବେହେରା, ଜସ୍ମିନ ନାୟକ ।
