ନାଳ କୂଳର ଏକ ବ୍ୟାଗରୁ ନବଜାତ ଶିଶୁପୁତ୍ର ଉଦ୍ଧାର
କେନ୍ଦୁଝର : ଏକ ନାଳ କୂଳରୁ ବ୍ୟାଗ୍ ଭିତରୁ ଏକ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇଛି । କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଗୋପିନାଥପୁର ଗାଁରେ ଘଟିଛି ଏହି ଘଟଣା । ଶିଶୁଟି କାନ୍ଦିବାରୁ ଗାଁ ଲୋକେ ତାକୁ ଠାବ କରିଥିଲେ । ଏହା ପରେ ସେମାନେ ଚାଇଲଡ୍ ଲାଇନ୍କୁ ଜଣାଇଥିଲେ । ଆଶା ଦିଦି, ଅଙ୍ଗନବାଡି କର୍ମୀ ଓ ଚାଇଲଡ୍ ଲାଇନ୍ ସଦସ୍ୟମାନେ ଘଟଣାସ୍ଥଳରେ ପହଞ୍ଚି ଶିଶୁଟିକୁ ଉଦ୍ଧାର କରିଥିଲେ । ସେମାନେ ଶିଶୁଟିକୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ଶିଶୁପୁତ୍ରଟିକୁ ଏବେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟର ଶିଶୁ ବିଭାଗର ଏସ୍ଏନ୍ସିୟୁରେ ଭର୍ତି କରାଯାଇଛି । ଶିଶୁପୁତ୍ରଟି ଗୋଟିଏ ଦିନର ହୋଇଥିବା ବେଳେ ତା\’ ଅବସ୍ଥା ଗୁରୁତର ରହିଛି । ଘଟଣା ସଂପର୍କରେ ମେଡିକାଲ ଫାଣ୍ଡିକୁ ଜଣାଇଛି ଚାଇଲଡ୍ ଲାଇନ୍ ।
