ଟିକସ ଫାଙ୍କି ଅଭିଯୋଗରେ ୨ ପାନ ମସଲା ବୋଝେଇ ଟ୍ରକ ଜବତ ୨କୋଟି ଟଙ୍କାର ଜୋରିମାନା
ବାରିପଦା : ଟିକସ ଫାଙ୍କିବା ଅଭିଯୋଗରେ ଦୁଇଟି ଟ୍ରକକୁ ଜବତ କରାଯିବା ସହ ୨ କୋଟି ଟଙ୍କାର ଜୋରିମାନା ନିର୍ଦ୍ଦେଶ ଦିଆଯାଇଛି । ସୂଚନା ମୁତାବକ ଗୁଟକା ଓ ପାନ ମସଲା ବୋଝେଇ କରି ଦିଲ୍ଲୀରୁ ଭୁବନେଶ୍ୱର ଅଭିମୁଖେ ଦୁଇଟି ଟ୍ରକ ଆସୁଥିବା ବେଳେ ବାରିପଦା ନିକଟସ୍ଥ ୧୮ ନଂ ଜାତୀୟ ରାଜପଥର କୁଲିଅଣା ଟୋଲ ପ୍ଲାଜା ନିକଟରେ ଦୁଇଟି ଟ୍ରକକୁ ସେଂଟ୍ରାଲ ଏକ୍ସସାଇଜ ଓ ଜିଏସଟି ବିଭାଗ ପକ୍ଷରୁ ଜବତ କରାଯାଇ ଥିବାର ଜଣାଯାଇଛି । ଟ୍ରକ ଦୁଇଟିରେ ପ୍ରାୟ ୬ଶହରୁ ଊର୍ଦ୍ଧ୍ୱ ପେଟି ପାନ ମସଲା ବୋଝେଇ ହୋଇଥିବା ବେଳେ, ସେମାନଙ୍କର କାଗଜପତ୍ର ଯାଂଚ ବେଳେ ୱେ-ବିଲ ସମେତ କେନ୍ଦ୍ରୀୟ ଟିକସ ଦିଆଯାଇ ନଥିବା ଜଣାପଡିଥିଲା । ଏହାପରେ ଜିଏସ୍ଟି ବିଭାଗ ପକ୍ଷରୁ ଦୁଇ କୋଟି ଟଙ୍କା ଜରିମାନା ନିର୍ଦ୍ଦେଶ ଦିଆଯାଇଛି । ତେବେ ଏହି ଟ୍ରକ ଦୁଇଟି ପ୍ରକୃତରେ କେଉଁଠାରୁ ଆସି କେଉଁ ମାଲିକ ପାଖକୁ ଯାଉଥିଲେ ଏହାର ତଦନ୍ତ ଚାଲିଥିବା କେନ୍ଦ୍ରୀୟ ଜିଏସଟି ବିଭାଗ ପକ୍ଷରୁ ଜଣାଯାଇଛି ।
