ମାଈ ହାତୀର ମୃତଦେହ ଉଦ୍ଧାର
ବାରିପଦା : ଶିମିଳିପାଳ ଜାତୀୟ ଉଦ୍ୟାନ ଭିତରୁ ଏକ ମୃତ ମାଈ ହାତୀର ମୃତଦେହ ଉଦ୍ଧାର ହୋଇଥିବାର ଜଣାପଡ଼ିଛି । ମୃତ ହାତୀର ବୟସ ୪୫ ବର୍ଷରୁ ଅଧିକ ହେବ ଏବଂ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ଭିତରେ ଥିବା ଜାତୀୟ ଉଦ୍ୟାନରେ ମଙ୍ଗଳବାର ବନ ବିଭାଗର କର୍ମଚାରୀମାନେ ପେଟ୍ରୋଲିଂ କରୁଥିବା ବେଳେ ମାଈ ହାତୀଟି ମରିପଡ଼ିଥିବାର ଦେଖିବାକୁ ପାଇଥିଲେ । ଏହାପରେ ପ୍ରାଣୀ ଚିକିତ୍ସକମାନଙ୍କ ଦ୍ୱାରା ମୃତ ମାଈ ହାତୀର ଶବକୁ ବ୍ୟବଚ୍ଛେଦ କରାଯାଇଥିଲା ।
ଏହି ସମୟରେ ହାତୀଟିର କିଡ଼ନୀରେ ପୁଜ ଜମିଥିବାର ଜଣାପଡ଼ିଥିଲା ଓ ହାତୀଟି କିଡ଼ନୀ ଇନଫେକସନ କାରଣରୁ ମୃତ୍ୟୁ ହୋଇଥିବାର ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ(ଦକ୍ଷିଣ) ଉପନିର୍ଦ୍ଦେଶକ ଯଜ୍ଞଦତ୍ତ ପତି ସୂଚନା ଦେବା ସହ ବ୍ୟବଚ୍ଛେଦ ପରେ ଦାହ କରାଯାଇଥିଲା ବୋଲି ପ୍ରକାଶ କରିଛନ୍ତି । ତେବେ ମୃତ ୪୫ରୁ ଅଧିକ ବୟସର ମାଈ ହାତୀର କିଡ଼ନୀ ଇନଫେକସନ ହେବା ସନ୍ଦେହ ଘେରରେ ।
