ଜାଲରେ ପଡିଲା ୫ ଫୁଟର ବଉଳା କୁମ୍ଭୀର
କେନ୍ଦ୍ରାପଡା : ମହାକାଳପଡା ବ୍ଲକ ଓସ୍ତରହାଟ ନିକଟ ଲୁଣାନଦୀରୁ ୫ ଫୁଟରୁ ଅଧିକ ଲମ୍ବର ଏକ ବଉଳା କୁମ୍ଭୀର ଉଦ୍ଧାର ହୋଇଛି । ସ୍ଥାନୀୟ ମତ୍ସ୍ୟଜୀବୀ ମାଛ ଧରୁଥିବା ବେଳେ କୁମ୍ଭୀରଟି ଜାଲରେ ପଡି ଯାଇଥିଲା । ମତ୍ସ୍ୟଜୀବୀମାନେ କୁମ୍ଭୀରକୁ ଉଦ୍ଧାର କରି ବନବିଭାଗକୁ ଖବର ଦେଇଥିଲେ । ଜମ୍ବୁ ବନବିଭାଗର କର୍ମଚାରୀମାନେ ଆସି କୁମ୍ଭୀରକୁ ଉଦ୍ଧାର କରିଛନ୍ତି । ଭିତରକନିକା ଅଭୟାରଣ୍ୟରେ କୁମ୍ଭୀରକୁ ଛାଡି ଦିଆଯାଇଥିବା ଜଣାପଡିଛି । କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
